Memleket basşysy Qasym-Jomart Toqaev Halyqaralyq şaŋǧy sporty jäne snoubord federasiiasynyŋ (FIS) prezidentı Iohan Eliaşty qabyldady. Būl turaly bügın, 15 qaŋtarda Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesude Qazaqstannyŋ Halyqaralyq şaŋǧy sporty federasiiasymen yntymaqtastyq perspektivasy talqylandy.
Qasym-Jomart Toqaev elımızde 85 myŋnan asa adam şaŋǧy sportymen tūraqty türde şūǧyldanatynyn atap öttı. Sondai-aq Qazaqstanda tau şaŋǧysy men şaŋǧy jarysy keşenderı, halyqaralyq deŋgeidegı mūz arenalary sekıldı zamanaui infraqūrylymdar bar.
Memleket basşysy elımız jaqynda İtaliiada ötetın Qysqy Olimpiada oiyndaryna tyŋǧylyqty daiyndalyp jatqanyn jetkızdı.
FIS prezidentı sportqa qoldau körsetkenı üşın Memleket basşysyna alǧys aityp, qazaqstandyqtar älemnıŋ bairaqty bäsekelerınde laiyqty öner körsetıp jürgenıne nazar audardy.
Sondai-aq ol Qazaqstanda jüzege asyrylyp jatqan äleumettık-ekonomikalyq reformalarǧa joǧary baǧa berdı.
Qasym-Jomart Toqaev pen Iohan Eliaş elımızdıŋ Halyqaralyq şaŋǧy sporty federasiiasymen täjıribe almasu, sportşylardy daiarlau, bapkerlerdı oqytu jäne törelık etu baǧyttaryndaǧy yqpaldastyqty keŋeitu mümkındıkterın qarastyrdy.
Prezident elımızde şaŋǧy jäne snoubord sportynyŋ damuyna qosqan ülesı üşın Iohan Eliaşty II därejelı «Dostyq» ordenımen marapattady.
