Özbekstannyŋ Taşkent oblysyndaǧy köne Qanqa qalaşyǧynan arheologtar ejelgı ǧibadathana men erte orta ǧasyrlarǧa tän jauyngerlık sauyttardyŋ bölşekterın tapty, dep habarlaidy" Adyrna" ūlttyq portaly Arkeonews-ke sılteme jasap.
Zertteu jūmystaryn Özbekstan ǧylym akademiiasynyŋ tarih instituty jürgızıp jatyr. Ǧalymdardyŋ aituynşa, V–VII ǧasyrlarǧa jatatyn sazdan tūrǧyzylǧan būl ǧibadathana türlı releftermen bezendırılgen jäne ol äskeri qūrbandyqtar jasalatyn kielı oryn bolǧan boluy mümkın. Töbesı astynan tabylǧan metall plastinalar men sauyttyŋ bekıtkışterı jauyngerlerdıŋ qūdailarǧa arnaǧan tartuy retınde qaldyrylǧan dep boljanuda.
Köne Qanqa qalasy b.z.d. III ǧasyrda negızı qalanǧan jäne myŋ jyldan astam uaqyt boiy Ūly Jıbek jolynyŋ maŋyzdy sauda jäne mädeni ortalyǧy bolǧan. Arheologtar būl tabystyŋ türkı halyqtarynyŋ soǧys pen ruhani senım arasyndaǧy bailanysyn aiqyn körsetetının atap ötedı.
Ekspedisiia jetekşısı Rustam Rahimovtyŋ aituynşa, būl jaŋalyq ejelgı Tūran aimaǧyndaǧy dıni jäne jauyngerlık dästürlerdıŋ tyǧyz sabaqtastyǧyn däleldeidı. Aldaǧy uaqytta Qanqa qalaşyǧynyŋ ornynda aşyq aspan astyndaǧy arheologiialyq park qūru josparlanyp otyr. Onda keluşıler ejelgı hramdardyŋ jäne bekınıs qabyrǧalarynyŋ qaldyqtaryn öz közderımen köre alady.
