Prezident Qasym-Jomart Toqaev pen Özbekstan prezidentı Şavkat Mirziioevtıŋ qatysuymen ekıjaqty Sauda-ekonomikalyq yntymaqtastyq jönındegı jol kartasyna qol qoiu räsımı ūiymdastyryldy.
Būl qūjat ekı el arasyndaǧy tek qaǧaz jüzındegı kelısım emes, naqty ıster men ırı jobalardyŋ bastauy.
Būl Jol kartasy kezdeisoq qabyldanǧan joq. Prezident Qasym-Jomart Toqaevtyŋ 2025 jylǧy 14-15 qaraşada Özbekstanǧa jasaǧan resmi memlekettık saparynyŋ tıkelei zaŋdy jalǧasy bolyp tabylady. Sapar barysynda taraptar joǧary deŋgeidegı uaǧdalastyqtarǧa qol jetkızgen bolatyn, al bügıngı qūjat sol kelısımderdı ıs jüzınde jüzege asyrudyŋ naqty tetıgıne ainalmaq.
Jaŋadan qabyldanǧan qūjat auqymdylyǧymen jäne strategiialyq maŋyzdylyǧymen erekşelenedı. Jol kartasy aiasynda ekı el ekonomikasynyŋ draiverıne ainalatyn mynadai basym baǧyttar boiynşa jaŋa jobalar jüzege asyrylady:
- Önerkäsıp jäne Metallurgiia:Öndırıstık äleuettı bırıktırıp, bırlesken käsıporyndar qūru.
- Mūnai himiiasy: Şikızatty tereŋ öŋdeu jäne joǧary tehnologiialyq önımder şyǧaru.
- Logistika: Ortalyq Aziia öŋırındegı tranzittık dälızderdı damytyp, tauar ainalymyn jedeldetu.
- Agroönerkäsıp keşenı: Azyq-tülık qauıpsızdıgın qamtamasyz etu jäne auyl şaruaşylyǧy önımderınıŋ saudasyn arttyru.
- «Jasyl» energiia: Zamanaui trendterge sai, ekologiialyq taza quat közderın bırlese damytu.
- Turizm: Ekı el arasyndaǧy turistık aǧyndy küşeitu jäne ortaq marşruttar qalyptastyru.
