Almaty qalasy, Türksıb audanynda moped jürgızuşısı jolauşylary bar avtobusqa oq atty. Oqiǧanyŋ videosy äleumettık jelılerde tarady. Belgılı bolǧandai, moped mıngen azamatqa 219-avtobustyŋ "jolyn kes-kestep ötkenı" jaqpai qalǧan. Būl jaily "Adyrna" ūlttyq portaly habarlaidy.
Video avtorynyŋ aituynşa, 219-avtobusqa moped mıngen er adam oq atyp, «menı kesıp öttıŋ» dep aiǧailaǧan.
Qalalyq polisiia departamentı avtobusqa oq atu faktısın rastady. Zardap şekkender joq. Moped jürgızuşınıŋ kım ekenı anyqtaldy. Qalalyq polisiia departamentınıŋ resmi ökılı Saltanat Äzırbek:
«Oqiǧa bügın taŋǧy saǧat 10:00 şamasynda Almaty qalasy Türksıb audanynda bolǧan. Joldaǧy janjal saldarynan moped jürgızuşısı pnevmatikalyq tapanşadan qoǧamdyq kölıktıŋ äinegıne atyp, oqiǧa ornynan boi tasalaǧan. Zardap şekkender joq. Mopedistıŋ jeke basy anyqtaldy. Ony qamauǧa alu şaralary jürgızılude. Atalǧan derek boiynşa tergeu amaldary Türksıb audandyq polisiia basqarmasyna qarasty polisiia bölımınde jürgızılude», – dep habarlady.
"Adyrna" ūlttyq portaly
Ūqsas jaŋalyqtar
