Erlik kúndelikti ómirde bolyp jatyr. Jeńil atqarylǵan soń erlik qarapaıym is sııaqty kórinis tabady. Kúni keshe Ýhannan júzdegen jastardy alyp qaıtý máselesi turǵanda ózge ult ókilderi taısaqtap, bas tartqan. Sol kezde jas ta bolsa halyqaralyq deńgeıdegi tájirıbesi mol ushqysh Aslan Ashatuly baýyrymyz naǵyz qazaqqa tán qaısar minez tanytyp, qaterli saparǵa birden táýekel etti, – dep ǵulama ǵalym Beıbit Saparaly aǵamyz Feısbýktaǵy paraqshasynda tebirene jazdy.
Osydan birneshe jyl buryn Aslan úılengende alǵashqy bolyp tilek-bata aıtý mártebesi tıip, Qazaq áýe joldary negizin qalaǵan ushqysh-general Amantaı Joldybaev pen UQK-niń general-maıory Beket Baıǵazıevpen birge júrekjardy tilekterimizdi aıtyp, úlken ómir jolyna aq batamyzdy bergen edik.
Endi, mine, sonyń oryndalǵandaı bir kórinisi bolyp, 02.02.2020 jyly tańda Ýhannan 80 qazaq jastary men Belorýs, Armıan jáne Qyrǵyz azamattaryn alyp ushyp, bas ushqysh Aslan basqarǵan arnaıy top bir top qaýymdy apatty aımaqtan alyp shyǵyp, dittegen ýaqytynda Nur-Sultan qalasyna jetkizdi.
Júzdegen ata-analar onshaqty kúnder boıǵy qatty úreı men ýaıymnan serpilip, kóńilderi ornyqqandaı boldy.
Qaterli vırýs juqtyrýy múmkin degen birneshe qazaq jastarynyń qatal karantın aımaǵynan shyǵarylýǵa qatań túrde ruhsat berilmeýi de amalsyz shara.
Ýhandaǵy qandas baýyrlarymyzǵa Qudaıdan jalbarynyp shıpa tileımiz! Úlken apattardan el-jerimiz aman-saý bolsyn!
