Jetısu audany äkımı apparatynyŋ tapsyrysy boiynşa aǧymdaǧy jöndeu aiasynda «Arbat» jürgınşıler aimaǧy men Ainabūlaq şaǧynaudanyndaǧy Maqataev köşesındegı jürgınşıler joly tolyq körkeitıldı.
Jūmys Respublika künıne deiın aiaqtalyp, audan tūrǧyndaryna jasalǧan syi ärı qalalyq ortany jaŋǧyrtudyŋ bır körınısı boldy.
Joba aiasynda tūrǧyndarǧa qolaily orta qalyptastyru jäne qoǧamdyq keŋıstıktı jaŋartu boiynşa keşendı jūmys jürgızıldı. Atap aitqanda: aumaǧy 9,5 myŋ m² jaŋa kespe tas töseldı, 266 zamanaui şam tıregı ornatyldy, 14,9 myŋ m² aumaqqa kögal töselıp, ūzyndyǧy 7,7 km avtosuaru jüiesı jürgızıldı, balalar alaŋy salyndy, 6 jaŋa aialdama keşenı ornatyldy, 25 qoqys jäşıgı, 40 oryndyq, 24 vazon qoiyldy, 8 şekteu baǧany ornatylyp, 274 p.m. jasyl aimaq qorşauy ornatyldy.
Sonymen qatar jürgınşıler aimaǧynda erekşe art-nysandar paida boldy — kiız üi pışınındegı sändık arka jäne şaǧynaudan atauy jazylǧan installiasiia. Balalar üşın jarqyn dizaindaǧy piksel-alaŋşa jasalyp, otbasylyq demalystyŋ jaŋa tartymdy ornyna ainaldy.
Jobanyŋ jüzege asyryluy audandaǧy qalalyq ortanyŋ sapasyn arttyruǧa, aumaqtyŋ estetikalyq kelbetın jaqsartuǧa jäne tūrǧyndar üşın qolaily infraqūrylym qalyptastyruǧa baǧyttalǧan.
