Qytaidyŋ Tarbaǧatai aimaǧynan atpen saparǧa şyqqan jūbailar – Quanbek Tüsıphanūly men Jaina Erkınqyzy Astanaǧa jettı, dep habarlaidy "Adyrna" ūlttyq portaly Kazinform agenttıgıne sılteme jasap.
Olar Tarbaǧatai aimaǧyna qarasty Sauan audanynan 8 tamyz künı attanǧan. 74 kün boiy at üstınde bolǧan qos saiahatşy qazaqtyŋ keŋ dalasyn basyp ötıp, Saryarqa törıne jettı. Jalpy jürıp ötken jol qaşyqtyǧy 2 500 şaqyrymnan asady.
"Oiǧa alǧan ülken armanymyz oryndaldy. Būl sapar – ömırımızde öşpestei erekşe estelık bolyp qalady", - deidı olar.
Saiahatşylar ūzaq joldaǧy qiyndyqty eldıŋ ystyq yqylasy men meiırımı jeŋıldetkenın aitady. Jol boiynda är öŋırdıŋ tūrǧyndary kömek körsetıp, azyq-tülık pen demeu ūsynǧan.
Kütıp alu räsımı barysynda Düniejüzı qazaqtary qauymdastyǧynyŋ ökılderı jas jūbailarǧa arnaiy tösbelgı men alǧys hat tabys ettı.
Mäjılıs deputaty Erlan Sairov būl sapardy «qazaq halqynyŋ bırlıgı men yntymaǧyn därıptegen erekşe oqiǧa» dep baǧalady.
"Quanbek pen Jaina qazaq elıne degen saǧynyşyn at üstınde jetkızdı. Būl sapar ūltymyzdyŋ bereke-bırlıgın aiqyndaǧan ruhani dübırge ainaldy", - dedı ol.
Aita keterlıgı Quanbek pen Jainanyŋ būl alǧaşqy alys sapary emes. 2021 jyly olar Şyŋjaŋnan Beijıŋge deiın 4 000 şaqyrymdy atpen jürıp ötken.
