Qala äkımı Äzımbek Pazylbekūly qala aumaǧyndaǧy äleumettık jäne infraqūrylymdyq maŋyzy zor nysandardy aralau barysynda jaqynda paidalanuǧa berıletın sport keşenderı men mädeniet üiınıŋ qūrylys jūmystarymen tanysty.
Aldymen qala M.Tölebaev köşesınde ornalasqan Ä.Nūrmahanov atyndaǧy sport keşenınde boldy. Keşende jasöspırımder men balalar küres, boks, futbol syndy sport türlerımen jattyǧa alady. Jalpy aumaǧy 4000 m², ışkı alaŋy 713,84 m² qūraityn zamanaui sport nysany 2024 jyldyŋ mamyr aiynda bastalyp, bügınde tolyq aiaqtalǧan.
Qazırgı taŋda qalada būdan özge sporttyŋ küres, boks türlerıne arnalǧan 4 keşen - Maqataev köşesınde, Bekzat möltek audanynda, Terıskei köşesınde jäne Baianauyl aumaǧynda salynyp jatyr.
Al 500 oryndyq körermen zaly bar, zamanaui talaptarǧa sai salynǧan köpfunksionaldy mädeniet üiınıŋ qūrylysy tolyq aiaqtalyp, Konstitusiia künıne orai körermenderın quantu üşın daiyndyqty bastap kettı.
Sapasy men standarttarǧa säikestıgın baqylaǧan qala basşysy - Äzımbek Pazylbekūly jauapty merdıger mekemelerge eskertpeler men kemşılıkterdı belgılengen merzımde tolyq aiaqtap, halyq igılıgıne paidalanuǧa berudı tapsyrdy.
Äleumettık nysandar 29 tamyz künı resmi türde aşylyp, el igılıgıne tabystalady.
Ūqsas jaŋalyqtar
