QR syrtqy ıster ministrlıgı ERG kompaniiasynyŋ ielerınıŋ bırı Patoh Şodievtıŋ qyzy Munisa Şodievaǧa diplomatiialyq pasport berılgenı turaly aqparatty rastai almady, dep habarlaidy "Adyrna" ūlttyq portaly Nege.Aqsha-ǧa sıltep.
Vedomstvonyŋ tüsındıruınşe, Qazaqstanda diplomatiialyq pasporttar bes jyl merzımge berıledı jäne merzımı aiaqtalǧan soŋ joiylady. Al mūndai qūjattardy räsımdeuge qatysty materialdar on jyl boiy saqtalyp, keiın joiylady.
«Osyǧan bailanysty Munisa Şodieva atyna diplomatiialyq pasport berılgenın rastau mümkın emes», — delıngen ministrlıktıŋ resmi jauabynda.
Būǧan deiın «Vyhod k moriu» atty Telegram-arnasy memlekettık derekter bazasyndaǧy aqparattarǧa süiene otyryp, Munisa Şodieva 2003 jyly Qazaqstannyŋ diplomatiialyq pasportyn alǧanyn, al on jyldan keiın (2013 jyl) onyŋ jaŋartylǧanyn habarlaǧan edı.
Derekközdıŋ mälımetınşe, sol kezde Şodieva Belgiia men Resei azamattyǧyna ie bolǧan, būl Qazaqstan Konstitusiiasyna qaişy keledı. Öitkenı elde qos azamattyqqa jol berılmeidı.
Sonymen qatar, jariialanǧan aqparatta Şodievaǧa diplomatiialyq pasport beruge negız bolmaǧany, sebebı ol eşqaşan memlekettık qyzmet atqarmaǧan jäne Qazaqstanda tūrmaǧany aitylǧan.
QR SIM ökılderı būl aqparatty naqty rastau nemese terıske şyǧaru mümkın emestıgın mälımdedı.
Aita keteiık, osyǧan deiın Şodievtıŋ qyzyna qatysty aqparat taratqan edık.
