Auǧan tarapynyŋ şaqyruymen Qazaqstan Respublikasy Premer-ministrınıŋ orynbasary – Syrtqy ıster ministrı Mūrat Nūrtıleu jūmys saparymen Auǧanstanǧa bardy, dep habarlaidy "Adyrna" ūlttyq portaly.
Sapar barysynda Mūrat Nūrtıleu Auǧanstan premer-ministrınıŋ ekonomikalyq mäseleler jönındegı orynbasarynyŋ mındetın atqaruşy Abdul Ǧani Baradarmen kezdestı. Ekıjaqty kelıssözder barysynda taraptar sauda-ekonomikalyq, tranzittık jäne agrarlyq salalardaǧy, sondai-aq geobarlau men sifrlandyru baǧytyndaǧy yntymaqtastyqtyŋ keleşegın talqylady.
Mūrat Nūrtıleu Auǧanstandy Ortalyq Aziia öŋırımen tarihi jäne geografiialyq tūrǧydan tyǧyz bailanysty memleket retınde qarastyratynyn atap öttı. Ol sondai-aq elder arasyndaǧy senım men ärıptestıktı odan ärı nyǧaituǧa Qazaqstan müddelı ekenın bıldırdı.
Öz kezegınde Abdul Ǧani Baradar Kabul men Astana arasyndaǧy serıktestıktı keŋeituge zor äleuet baryn aitty. Ol bırlesken infraqūrylymdyq jobalar arqyly Auǧanstanda jaŋa jūmys oryndaryn qūruǧa ümıt artatynyn jetkızdı.
Kezdesu qorytyndysynda Qazaqstannyŋ Kölık ministrlıgı men Auǧanstannyŋ Qoǧamdyq jūmystar ministrlıgı arasynda Ortalyq Aziia men Oŋtüstık Aziia arasyndaǧy temırjoldy salu jäne paidalanu boiynşa negızgı qaǧidattar turaly özara tüsınıstık turaly memorandumǧa qol qoiyldy.
Eske sala keteiık, Auǧanstandaǧy qazırgı bilık halyqaralyq deŋgeide tolyq moiyndalmaǧan. Tek biylǧy jyldyŋ şılde aiynyŋ basynda ǧana Mäskeu bilıgı Auǧanstan islam ämırlıgın resmi türde moiyndady.
