Memleket basşysy Qasym-Jomart Toqaev Memlekettık qyzmet ısterı agenttıgınıŋ töraǧasy Darhan Jazyqbaidy qabyldady, dep habarlaidy "Adyrna" ūltty portaly Aqordanyŋ baspasöz qyzmetıne sıltep.
Agenttık töraǧasy Darhan Jazyqbai Prezidentke mansaptyq jäne pozisiialyq model elementterınen tūratyn memlekettık qyzmettıŋ gibridtı modelın qalyptastyru jūmystary turaly baiandady.
Sonymen qatar aşyq memlekettık apparat qūru, atap aitqanda, jeke sektordan bılıktı mamandardy tartu jäne joǧary oqu oryndaryn üzdık bıtırgen tülekterdı tömengı lauazymdarǧa konkurs ötkızbei-aq taǧaiyndau şaralary jönınde mälımet berıldı.
Prezidentke e-Qyzmet jüiesı boiynşa memlekettık qyzmetke ırıkteu jönındegı pilottyq jobanyŋ qorytyndysy tanystyryldy. Sonyŋ nätijesınde bos lauazymdarǧa ornalasu üşın konkursqa qatysuşylar sany 2,7 ese artty. Biyl e-Qyzmet ırıkteu jüiesın barlyq memlekettık organǧa kezeŋ-kezeŋımen engızu jūmystary bastaldy.
Būdan bölek, Qasym-Jomart Toqaevqa Agenttıktıŋ memlekettık qyzmet körsetu sapasyn baqylau jäne basqaru jüiesın biurokratiiadan aryltu salalaryna qatysty jūmystary turaly aqparat berıldı.
Kezdesu soŋynda Prezident servistık jäne adamdarǧa beiımdelgen memlekettık apparatty qalyptastyru, memlekettık qyzmetşılerdıŋ käsıbi bılıktılıgın arttyru jäne memlekettık qyzmet jüiesıne zamanaui tehnologiialardy engızu ısın jalǧastyrudy tapsyrdy.
Ūqsas jaŋalyqtar
