Toqaev Memlekettik qyzmet isteri agenttiginiń tóraǵasyn qabyldady

801
Adyrna.kz Telegram

Memleket basshysy Qasym-Jomart Toqaev Memlekettik qyzmet isteri agenttiginiń tóraǵasy Darhan Jazyqbaıdy qabyldady, dep habarlaıdy "Adyrna" ultty portaly Aqordanyń baspasóz qyzmetine siltep.

Agenttik tóraǵasy Darhan Jazyqbaı Prezıdentke mansaptyq jáne pozıııalyq model elementterinen turatyn memlekettik qyzmettiń gıbrıdti modelin qalyptastyrý jumystary týraly baıandady.

Sonymen qatar ashyq memlekettik apparat qurý, atap aıtqanda, jeke sektordan bilikti mamandardy tartý jáne joǵary oqý oryndaryn úzdik bitirgen túlekterdi tómengi laýazymdarǵa konkýrs ótkizbeı-aq taǵaıyndaý sharalary jóninde málimet berildi.

Prezıdentke e-Qyzmet júıesi boıynsha memlekettik qyzmetke irikteý jónindegi pılottyq jobanyń qorytyndysy tanystyryldy. Sonyń nátıjesinde bos laýazymdarǵa ornalasý úshin konkýrsqa qatysýshylar sany 2,7 ese artty. Bıyl e-Qyzmet irikteý júıesin barlyq memlekettik organǵa kezeń-kezeńimen engizý jumystary bastaldy.

Budan bólek, Qasym-Jomart Toqaevqa Agenttiktiń memlekettik qyzmet kórsetý sapasyn baqylaý jáne basqarý júıesin bıýrokratııadan aryltý salalaryna qatysty jumystary týraly aqparat berildi.

Kezdesý sońynda Prezıdent servıstik jáne adamdarǵa beıimdelgen memlekettik apparatty qalyptastyrý, memlekettik qyzmetshilerdiń kásibı biliktiligin arttyrý jáne memlekettik qyzmet júıesine zamanaýı tehnologııalardy engizý isin jalǵastyrýdy tapsyrdy.

Pikirler