Qyrǧyzstanda ölım jazasyn qaitaru mäselesı referendumǧa şyǧaryluy mümkın, dep habarlaidy "Adyrna" ūlttyq portaly
Qyrǧyzstan Prezidentınıŋ baspasöz hatşysy Asqat Alagözov memleket basşysynyŋ sūhbatyn jariialap, onda Sadyr Japarov elde ölım jazasyn qaita engızu bastamasyna qatysty pıkır bıldırgenın aitty.
Prezidenttıŋ aituynşa, kämeletke tolmaǧandarǧa jäne äielderge qatysty kısı öltıru men zorlau qylmystarynyŋ sany ösıp keledı, al qazırgı «jai ǧana» bas bostandyǧynan aiyru merzımderı qylmyskerlerdı toqtata almai otyr.
Sonymen bırge Sadyr Japarov ölım jazasy sybailas jemqorlyq qylmystaryna qoldanylmaitynyn atap öttı. Onyŋ aituynşa, būl şara tek asa qatygez kısı öltıru jäne pedofiliia ısterıne qatysty boluy mümkın.
«Bız būl mäselenı jeke şeşpeimız. Halyqpen aqyldasamyz. Mäsele bükılhalyqtyq referendumǧa şyǧaryluy mümkın. Eger köpşılık qoldasa, onda Konstitusiia men zaŋdarǧa özgerıster engızu jäne halyqaralyq mındettemelerdı qaita qarau qajet bolady», - dedı Sadyr Japarov.
Prezidenttıŋ sözınşe, basty basymdyq - äielder men balalardy zorlyq-zombylyqtan qorǧau, al mūndai maŋyzdy şeşım tek halyqtyŋ qatysuymen qabyldanuy tiıs.
Aita keteiık, būǧan deiın Qyrǧyzstan prezidentı Sadyr Japarov qūqyqtyq qamtamasyz etu basqarmasyna ölım jazasyn qaitarudy tapsyrǧany turaly jazǧan edık.
