Belgılı satirik-jazuşy Erkın Jappasūly dünieden öttı, dep habarlady “Adyrna” ūlttyq portaly.
Erkın Jappasūly 1954 jyly Semei oblysy, Aqsuat audanynyŋ «Ekpın» auylynda düniege kelgen. 1982 jyly Qazaq memlekettık universitetınıŋ (qazırgı QazŪU) jurnalistika fakultetın bıtırgen. Eŋbek jolyn «Qazaqstan pionerı» («Ūlan») gazetınde bastaǧan, keiın respublikalyq «Qazaqkıtap» bırlestıgınıŋ nasihat redaksiiasynda, sondai-aq, «Qazaq ädebietı» gazetınde tılşı qyzmetın atqarǧan.
Alǧaşqy syqaq tuyndylary 1967 jyldan bastap «Semei taŋy», «Qazaq ädebietı», «Leninşıl jas» (qazırgı «Jas Alaş»), «Qazaqstan pionerı» gazetterınde, «AraŞmel», «Jūldyz», «Jalyn» jurnaldarynda jariialanǧan.
Ol qazaq satirasynyŋ damuyna airyqşa üles qosqan. «Kımge külkı, kımge türpı?», «Oi, qytyǧym keledı…», «Qymsynbaşy, qylyqtym», «Myŋqetpes myŋq eter emes» atty kıtaptary jaryq körgen. 2003 jyly «Qymsynbaşy, qylyqtym» eŋbegı üşın Halyqaralyq «Alaş» ädebi syilyǧyn alǧan. Onyŋ şyǧarmalary orys jäne qytai tılderıne audarylǧan.
Sonymen bırge, Erkın Jappasūly «Qazaqstan», «Habar» telearnalarynyŋ äzıl-syqaq habarlaryna, äigılı «Tamaşa» oiyn-sauyq otauyna tūraqty avtor bolǧan.
