Protenge Telegram-kanaly 26 mln teńgege 20 blogerge Grýzııa, Armenııa, Belarýs, Reseı, Ýkraına, Túrkııa, Koreıa, BAÁ jáne Gonkongtan ushý aqysyn tóleıtinin habarlady.
Bul qarajatqa bes juldyzdy qonaqúıde 5 kún turýǵa, kúnine úsh ret tamaqtanýmen qatar Medeý, Kók Tóbe jáne Jasyl bazarǵa barý sharalary da kiredi eken. Blogerlerge ulttyq taǵamdardy daıyndaý boıynsha master-klass ótkizilip, ushý aldynda estelik syılyqtar tabys etiledi.
Blog-týrda mıllıonnan astam adamdy qamtıtyn 40 sheteldik trevel-blogerler men medıa-personalar bolady, sondaı-aq 50 myń jazylýshysy bar mıkro-ınflıýenserler jumys jasaıdy dep jatyr. Basqarmada sheteldik blogerlermen jumys isteý Qazaqstan men Almatyǵa kelgisi keletin týrıster sanyn arttyrady dep josparlanýda.
"Almaty qalasynyń týrıstik aqparattyq ortalyǵy" JShS 26 mln teńgege 20 adamnan eki blog-týr uıymdastyrýdy josparlap otyr. Oǵan Grýzııa, Armenııa, Belarýs, Reseı, Ýkraına, Túrkııa, Koreıa, BAÁ, Gonkongtan kelgen blogerler men jýrnalıster qatysady.
"Blog-týr baǵdarlamasy Qazaqstannyń tarıhy men mádenıetin ashatyn tanymal tabıǵı jáne qalalyq kórikti jerlerdi qamtıdy", - delingen habarlamada.
"Adyrna" ulttyq portaly
