Qazaqstan Respublikasy Prezidentınıŋ kömekşısı — Prezidenttıŋ baspasöz hatşysy Ruslan Jeldıbai kadrlyq özgerısterge bailanysty tüsınıkteme berdı, dep habarlaidy "Adyrna" ūlttyq portaly.
«Eŋ aldymen, myna mäselenı basa aitu kerek, būl – ädettegı kadrlyq rotasiia. Negızgı maqsat – memlekettık jüiedegı eŋ maŋyzdy baǧyttardyŋ tiımdılıgın küşeitu», – dedı ol.
Onyŋ aituynşa, Memleket basşysy juyrdaǧy Joldauynda ūlttyq ekonomikaǧa tüsetın investisiia kölemın arttyrudy basym mındettıŋ bırı retınde belgılegen.
«Būl maŋyzdy sala täjıribelı diplomat Mūrat Nūrtıleuge jükteldı. Prezidenttıŋ kömekşısı retınde ol halyqaralyq investisiialyq jäne sauda yntymaqtastyǧyn ılgerıletu maqsatynda şet memleketterdıŋ joǧary deŋgeidegı ökılderımen, sondai-aq älemdık ırı kompaniialardyŋ jetekşılerımen bailanysty damytady», – dep atap öttı Ruslan Jeldıbai.
Sondai-aq ol Jasūlan Mädievtıŋ jaŋa qyzmetıne toqtaldy.
«Memleket basşysynyŋ Jarlyǧymen Jasūlan Mädiev Premer-ministrdıŋ orynbasary – Jasandy intellekt jäne sifrlyq damu ministrı bolyp taǧaiyndaldy. Vedomstvo basşysy Joldauda aitylǧan Qazaqstandy sifrlyq memleketke ainaldyru jönındegı maqsatty ıske asyrumen şūǧyldanady. Prezident ministrge strategiialyq maŋyzy zor jūmysty atqaruǧa qatysty baǧyt-baǧdar berdı», – dedı baspasöz hatşysy.
Sonymen qatar, Ruslan Jeldıbai Oqu-aǧartu ministrlıgındegı özgerıske de tüsınıkteme berdı.
«Premer-ministrdıŋ kelısımı boiynşa Mäjılıs deputaty Jūldyz Süleimenovany Oqu-aǧartu ministrı lauazymyna taǧaiyndau turaly şeşım qabyldandy. Jaŋa ministr qoǧamdaǧy belsendı qyzmetımen jäne bılım beru salasyndaǧy mol täjıribesımen belgılı», – dedı ol.
