Tarazda 14 jastaǧy oquşy qyz öz-özıne qol jūmsady. Oqiǧa ornyna jetken jedel järdem qyzdy qūtqaryp qala almady, dep habarlaidy «Adyrna» tılşısı Kazinform agenttıgıne sılteme jasap.
Qaiǧyly jaǧdai 23 qyrküiekte bolǧan. Anasy bıraz uaqytqa üiden şyǧyp ketkende, qyzy qorada asuly küide tabylǧan. Oqiǧa ornyna kelgen därıgerler onyŋ köz jūmǧanyn rastady.
№26 orta mekteptıŋ 9-synyp oquşysynyŋ mūndai qadamǧa ne üşın barǧany belgısız. Qazır polisiia qajettı tergeu amaldaryn jürgızıp jatyr. Atalǧan faktı boiynşa QR Qylmystyq kodeksınıŋ 105-baby, 3-bölıgı («Özın-özı öltıruge itermeleu») boiynşa qylmystyq ıs qozǧaldy.
Aita keteiık, qaza bolǧan qyz – soŋǧy ekı aida öŋırde ömırımen qoş aitysqan jetınşı bala. Oblystyq bılım basqarmasy būl jaǧdaiǧa bailanysty oblystyq psihologiialyq qoldau ortalyǧynyŋ jūmys toby qūrylǧanyn mälımdedı.
«Otbasyǧa qajettı psihologiialyq kömek körsetıldı. Aita ketu kerek, marqūm eşqandai esepte tūrmaǧan, ülgerımı jaqsy bolǧan, sabyrly, ainalasyndaǧylarmen jaqsy qarym-qatynasta bolǧan. Tärtıp būzu faktılerı tırkelmegen»,– delıngen habarlamada.
Eske sala keteiık, jaz ailarynda Jambyl oblysynda bırneşe kün aiyrmaşylyqpen Tüimekent pen Dihan Baizaq audandaryndaǧy auyldarda 2 jasöspırım, sondai-aq Taraz qalasynda bır bala öz-özıne qol jūmsaǧan edı.
