Qazaqstannyŋ Qarjy ministrlıgı, Memlekettık kırıster komitetı Reseige ötetın şekara beketterınde jük kölıkterınıŋ kezegı tırkelmegenın mälımdedı, dep habarlaidy "Adyrna" ūlttyq portaly.
«Tekseruler ädettegı rejimde jürıp jatyr», – delıngen habarlamada.
Sonymen qatar vedomstvo tasymaldauşylardyŋ şaǧymyna sılteme jasap, Resei aumaǧynda qazaqstandyq jük kölıkterıne tekseruler küşeigenın atap öttı.
«Tasymaldauşylar kıdırıster men qosymşa şyǧyndarǧa äkeletın tekserulerdıŋ köbeigenın aitady. Qazaqstan öz kezegınde EAEO erejelerın saqtap otyr, onda tauarlardyŋ erkın qozǧalysy qarastyrylǧan», – dedı komitet ökılderı.
Reseidıŋ Federaldyq keden qyzmetı de kezekterge qatysy joq ekenın mälımdedı.
Olardyŋ aituynşa, jük kölıkterınıŋ jinaluy Qazaqstan aumaǧyndaǧy tūraqtarda baiqalǧan, al tıkelei ötkızu punktterınde kezek tırkelmegen.
Būǧan deiın reseilık BAQ 18 qyrküiekte Qazaqstan men Resei şekarasynda jük kölıkterınıŋ rekordtyq kezegı paida bolǧanyn jazǧan. Onyŋ sebepterı resmi türde tüsındırılmegen.
Sarapşylardyŋ aituynşa, oǧan «kezdeisoq tekseruler», «Qytaidan keletın sūr importpen küres» jäne «kontrafakt önımderın anyqtau» yqpal etken boluy mümkın.
Aita keteiık, mausym aiynda da şekarada osyndai ırı keptelıs oryn alǧan. Ol kezde qarapaiym azamattar da qiyndyqqa tap bolǧan edı. Būǧan jazǧy turistık aǧymnyŋ artuy jäne 30 mausymnan bastap Reseidıŋ jaŋa köşı-qon talaptarynyŋ küşıne enuı äser etken.
