Qostanaida Alaş qozǧalysynyŋ körnektı qairatkerı, ūlt ūstazy Mırjaqyp Dulatūlynyŋ tuǧanyna 140 jyl toluyna orai eskertkış aşyldy, dep habarlaidy "Adyrna" ūlttyq portaly.
Saltanatty şaraǧa Mäjılıs töraǧasy Erlan Qoşanov qatysyp, Prezident Qasym-Jomart Toqaevtyŋ qūttyqtau hatyn oqydy. Memleket basşysy Mırjaqyp Dulatūlynyŋ qazaq halqynyŋ azattyǧy men ūlttyq ruhyn köterudegı eŋbegın, ädebiettı jaŋa deŋgeige kötergenın atap öttı.
Is-şaraǧa Qostanai oblysynyŋ äkımı Qūmar Aqsaqalov, Mäjılıs deputattary, ziialy qauym ökılderı men jergılıktı jūrtşylyq qatysty. Qazaqstannyŋ halyq jazuşysy Tölen Äbdık pen aǧartuşynyŋ ūrpaǧy Erlan Satybaldyev ta söz söilep, qairatkerdıŋ eŋbegın eske aldy.
Mereitoi aiasynda Torǧaida halyqaralyq «Ūly dala joryǧy» atty at marafony bastalyp, qatysuşylar 500 şaqyrymdy eŋsermek.
Sondai-aq öŋırde ǧylymi konferensiia men respublikalyq aitys ötedı. Erlan Qoşanov būl şaralardyŋ auqymy halyqtyŋ Mırjaqyp Dulatūly mūrasyna degen qūrmetınıŋ aiǧaǧy ekenın atap ötıp, bügıngı Qazaqstannyŋ damuy alaş ardaqtylary armandaǧan täuelsızdık mūratyna sai ekenın jetkızdı.
