Semeıde Qaırat Rysqulbekov eskertkishine gúl shoqtary qoıyldy. Táýelsizdik kúni Semeıde el táýelsizdigi jolynda úles qosqan batyrlardy eske aldy.
Saltanatty sharaǵa Abaı oblysynyń ákimi Nurlan Uranhaev, oblystyq máslıhat tóraǵasy Shalqar Baıbekov, Jeltoqsan oqıǵasyna qatysýshylar, ardagerler, jastar men qala turǵyndary qatysty.
Is-shara bir mınýt únsizdikten bastaldy. Osydan keıin elimizdiń memlekettik ánurany shyrqaldy.
Qaırat Rysqulbekov — jeltoqsan oqıǵasyna qatysýshylardyń biri. Ol adam quqyqtary men táýelsizdik úshin kúreste batyldyq pen tabandylyqtyń sımvolyna aınaldy. Onyń erligi Qazaqstan tarıhynda óshpes iz qaldyryp, óskeleń urpaqtyń úlgi tutar tulǵasyna aınaldy.
