Aqtau qalasyndaǧy Nazarbaev Ziiatkerlık mektebınıŋ 11-synyp oquşysy Jasmin Vadodariianyŋ ǧylymi jūmysy halyqaralyq bedeldı akademiialyq basylym OxJournal jurnalynda jariialandy, dep habarlaidy "Adyrna" ūlttyq portaly.
Oquşynyŋ eŋbegı «The Diplomacy of Unequals: Power Asymmetries in Global Climate Diplomacy» («Teŋsızderdıŋ diplomatiiasy: jahandyq klimattyq diplomatiiadaǧy bilık asimmetriiasy») degen ataumen şyqty.
Jasmin zertteuınde klimat mäselesıne qatysty kelıssözderde myqty memleketterdıŋ yqpaly älsız elderden basym tüsetının, būl qabyldanatyn şeşımderdıŋ ädıldıgıne äser etetının atap ötken. Sonymen qatar halyqaralyq yntymaqtastyqty ädıl ärı teŋgerımdı etu joldaryn da ūsynǧan.
Būl jetıstıkke oquşynyŋ 2025 jyly mamyr aiynda Oxford Scholastica halyqaralyq esse baiqauynda jeŋımpaz atanuy jol aşty. Ol «Jazu jäne jurnalistika» nominasiiasynda bırınşı oryn alyp, qūny 995 funt sterling tūratyn tolyq oqu grantyn ielengen. Osy grant aiasynda Jasmin jazǧy onlain-akademiialyq baǧdarlamaǧa qatysyp, Oksford universitetınıŋ tülegınıŋ jetekşılıgımen türlı elderden kelgen daryndy jastarmen bırge jūmys ıstegen. Baǧdarlamany aiaqtaǧan soŋ ol ǧylymi maqalasyn jazyp, halyqaralyq jurnalǧa joldaǧan.
Mektep ökılderı Jasmindı jäne onyŋ jetekşısı Madina Jüsıpovany qūttyqtap, ǧylym men bılım jolynda jaŋa tabystar tıledı.
