AQŞ prezidentı Donald Tramp 31 şılde künı Qazaqstan men taǧy bırneşe eldıŋ tauarlaryna kedendık baj salyǧyn engızu turaly jarlyqqa qol qoidy, dep habarlaidy "Adyrna" ūlttyq portaly.
Aq üidıŋ resmi saitynda jariialanǧan qūjattarǧa säikes, Qazaqstan tauarlaryna 25 ppaiyzdyq baj salyǧy salynady. Atalǧan jarlyq 1 tamyzdan bastap emes, bır aptadan keiın küşıne enedı.
Osyǧan qatysty QR sauda jäne integrasiia ministrlıgınıŋ mälımetınşe, Qazaqstan AQŞ tarapynan engızılgen jaŋa tarifter boiynşa kelıssözderdı jalǧastyryp jatqanyn mälımdedı.
Mausym aiynda ekı eldıŋ uäkılettı organdary arasynda ekıjaqty kezdesu ötken. Onda Qazaqstan AQŞ-qa öz ūsynystaryn jıberıp, özara tiımdı saudany damytu, tūraqty jetkızılımdı saqtau jäne naryqqa ädılettı qoljetımdılıktı qamtamasyz etu mäselelerın kötergen.
"Ekı tarap ūsynystardy keŋeitılgen sauda-ekonomikalyq dialog aiasynda talqylaudy jalǧastyryp jatyr. Qazaqstan konstruktivtı yntymaqtastyqqa daiyn ekenın bıldırdı, al amerikalyq tarap dialogty jalǧastyruǧa äzır ekenın rastady," – delıngen ministrlık mälımdemesınde.
Ministrlık mälımetınşe, jaŋa tarifter Qazaqstannyŋ AQŞ-qa jalpy eksportynyŋ tek 4,8 paiyzyna ǧana äser etedı. Qalǧan 95,2 paiyzy baj salyǧynan bosatylǧan. Atap aitqanda, mūnai, uran, kümıs, ferroqorytpa, tantal, titan jäne berillii siiaqty strategiialyq şikızat önımderı şekteuge ūşyramaidy.
AQŞ prezidentı būl şaralardyŋ maqsatty türde Qazaqstanǧa baǧyttalmaǧanyn aitty.
"Būl tarifter sauda kedergelerın joiu üşın qajet. Sauda teŋgerımsızdıgı – AQŞ ekonomikasy men ūlttyq qauıpsızdıgıne naqty qauıp töndıredı", - dedı Tramp.
25 paiyzdyq baj salyǧy fosfor, ferrosilisii, optikalyq linzalar, pşenichnaia kleikovina (gliuten) jäne ammiak selitrasyna (nitrat ammoniia) qatysty qoldanylady. Aita keteiık, 2025 jyldyŋ alǧaşqy jartysynda AQŞ-qa 6 500 tonna gliuten, 2 200 tonna sary fosfor jäne 1 483 tonna ferrosilisii jöneltılgen. Al ammiak selitrasy eksporttalmaǧan.
