Ūlttyq kıtaphananyŋ qoryna qoǧam qairatkerı, mädeni mūra janaşyry Aqan Taŋjaryqūlynyŋ jeke jinaǧynda saqtalǧan asa qūndy qoljazbalar resmi türde tapsyryldy. Būl turaly Mädeniet jäne aqparat ministrlıgınıŋ baspasöz qyzmetı mälımdedı, dep habarlaidy “Adyrna”.
Qoljazbalardy qabyldau räsımı Qazaqstan qoljazbatanuşylar qauymdastyǧynyŋ II otyrysy aiasynda öttı. Jiynǧa elımızdıŋ belgılı qoljazbatanu jäne şyǧystanu salasynyŋ ǧalymdary, kıtaphana qyzmetkerlerı men jas zertteuşıler qatysty.
Is-şaranyŋ negızgı maqsaty – Qazaqstandaǧy qoljazba mūralardy jüielı türde zerttep, saqtau jäne ǧylymi ainalymǧa engızu. Jiynda zertteulerdıŋ ädıstemelık jäne qūqyqtyq negızderı talqylanyp, qoljazbatanu ǧylymynyŋ qazırgı damu ürdısterı aiqyndaldy. Sondai-aq, otandyq jäne halyqaralyq ǧylymi qauymdastyq arasyndaǧy käsıbi bailanysty nyǧaitu mäselelerı köterıldı.
Otyrys barysynda qatysuşylar «Qazaqstandaǧy memlekettık jäne jeke qoljazba qorlary: ǧylymi-praktikalyq maŋyzy, zaŋnamalyq, qūqyqtyq mäselelerı» taqyrybynda baiandama jasap, qoljazbalardy saqtau men paidalanu kezınde tuyndaityn özektı mäselelerdı atap öttı. Sonymen qatar ǧylymi jäne qūqyqtyq tūrǧyda şeşudı qajet etetın jaittar da köterıldı.
Sonymen qatar äl-Farabi atyndaǧy Qazaq ūlttyq universitetı janyndaǧy «Jazba jädıger jäne ruhani mūra» ǧylymi-zertteu ortalyǧynyŋ bastamasymen jaryq körgen Sūltan Äli Tabib äl-Horasanidıŋ «Emşılık dästürı» atty eŋbegınıŋ tanystyrylymy öttı.
