Astanada «Auyl» partiiasynyŋ Töraǧasy Serık Egızbaevtyŋ jetekşılıgımen Qazaqstan Respublikasynyŋ Prezidentı Qasym-Jomart Toqaevtyŋ Qazaqstan halqyna Joldauyn talqylauǧa arnalǧan respublikalyq partiialyq aktivtıŋ otyrysy öttı.
Jiynǧa Mäjılıs deputattary, barlyq öŋırlık filialdardyŋ basşylary men ökılderı, partiia belsendılerı, sondai-aq Ortalyq apparattyŋ jauapty qyzmetkerlerı qatysty. Sonymen qatar beinekonferensiia arqyly oblystyq jäne audandyq deŋgeidegı partiia qūrylymdarynyŋ töraǧalary da qosylyp, talqylauǧa keŋ kölemde qatysuǧa mümkındık jasaldy.
Otyrysty aşa otyryp, Serık Egızbaev Prezidenttıŋ Joldauy — memlekettıŋ aldaǧy jyldardaǧy damu baǧytyn aiqyndaityn strategiialyq qūjat ekenın atap öttı. Onyŋ aituynşa, būl qūjat eldıŋ saiasi jüiesı men qoǧam ömırınıŋ barlyq salalary üşın negızgı baǧyt-baǧdardy belgıleidı.
«Auyl» partiiasynyŋ basty mındetı – Joldaudyŋ mazmūnyn ärbır azamatqa, äsırese auyl tūrǧyndaryna jetkızu ǧana emes, ony jüzege asyruǧa belsendı atsalysu. Būl bızden naqty qadamdardy talap etetın ıs-qimyl jospary. Bız auyl şaruaşylyǧy salasyn, infraqūrylymdy damytudy jäne auyldaǧy halyqtyŋ ömır sapasyn arttyrudy basty basymdyqtar retınde qarastyramyz», – dedı partiia töraǧasy.
Talqylau barysynda qatysuşylar Joldauda aitylǧan negızgı bastamalarǧa toqtaldy. Negızgı nazar elımızde bır palataly Parlament qūru turaly ūsynys pen onyŋ saiasi jüiege äserıne, auyl şaruaşylyǧyn zamanaui tehnologiialardy engızu arqyly jaŋǧyrtuǧa jäne onyŋ tiımdılıgın arttyruǧa, auyldyq öŋırlerdıŋ infraqūrylymyn damytuǧa – joldar, auyz su, internet jäne äleumettık nysandarǧa, sondai-aq şalǧai auyldar men şaǧyn eldı mekender tūrǧyndaryna äleumettık qoldaudy küşeitu şaralaryna audaryldy.
Jiyn barysynda Mäjılıs deputattary da öz pıkırlerın ortaǧa saldy. Olar Prezident ūsynǧan reformalardyŋ auyldaǧy äleumettık jäne ekonomikalyq jaǧdaidy tübegeilı jaqsartuǧa baǧyttalǧanyn atap öttı. Deputattar elımızdıŋ agrarlyq sektoryn qoldau, auyl käsıpkerlerın nesieleu, jastardy auylda qaldyruǧa arnalǧan yntalandyru şaralary, bılım men medisinalyq qyzmettıŋ qoljetımdılıgın arttyru, sondai-aq zaŋnamalyq deŋgeide qajet bastamalardy äzırleu boiynşa naqty ūsynystaryn aitty.
Serık Egızbaev auyldy damytu memlekettık saiasattyŋ negızgı basymdyqtarynyŋ bırı boluy tiıs ekenın erekşe atap öttı. Ol tek auyldyq aumaqtardyŋ mäselelerın keşendı şeşu arqyly azamattardyŋ äl-auqatyn arttyruǧa jäne eldıŋ azyq-tülık qauıpsızdıgın qamtamasyz etuge bolatynyn jetkızdı.
Otyrysta söz alǧan öŋırlık filialdardyŋ ökılderı öz aimaqtaryndaǧy jaǧdai turaly aqparat berıp, şeşudı qajet etetın basty mäselelerdı atap öttı. Olar auyldyq jerlerde jūmys oryndarynyŋ jetıspeuşılıgı, tozyǧy jetken infraqūrylym men sapaly äleumettık qyzmetterdıŋ tapşylyǧy özektı küiınde qalyp otyrǧanyn aitty. Äsırese medisinalyq qyzmet sapasyn jaqsartu, bılımge qoljetımdılıktı arttyru jäne şarua qojalyqtary men şaǧyn auyl şaruaşylyǧy käsıporyndaryn qoldau asa maŋyzdy ekenı atap ötıldı.
Öŋırlerdıŋ ökılderı Joldauda köterılgen Prezident bastamalary auyl tūrǧyndarynyŋ ümıt-tılekterıne sai keletının jäne auyldaǧy jaǧdaidy oŋ baǧytta özgertuge mümkındık beretının erekşe aitty.
Sondai-aq Joldaudy halyq arasynda keŋınen nasihattau üşın arnaiy ıs-şaralar josparyn äzırleu turaly şeşım qabyldandy. Būl josparǧa öŋırlerde tüsındıru jūmystaryn jürgızu, tūrǧyndarmen kezdesuler, forumdar, seminarlar jäne döŋgelek üstelder ötkızu kıredı.
Jiyndy qorytyndylai kele, Serık Egızbaev «Auyl» partiiasynyŋ Memleket basşysy ūsynǧan reformalar men bastamalardy jüzege asyrudaǧy basty küşterdıŋ bırı boluǧa daiyn ekenın atap öttı.
" Bızdıŋ mındetımız – qoǧamnyŋ küş-jıgerın bırıktırıp, barlyq resurstardy jūmyldyru arqyly Joldaudaǧy ärbır tapsyrmanyŋ naqty oryndaluyn qamtamasyz etu. Bız Prezident bastamalaryn qoldap qana qoimai, özımızdıŋ de jobalarymyz ben ūsynystarymyzdy engızıp, azamattarymyzdyŋ ömırın jaqsartuǧa üles qosamyz", – dedı partiia Töraǧasy.
Ol sondai-aq jūmystyŋ barlyq baǧyttarda – Parlamenttegı zaŋnamalyq bastamalardan bastap öŋırlerdegı naqty jobalarǧa deiın belsendı türde jürgızıletının aitty.
