«Auyl» partiiasy Saiasi keŋesınıŋ atom elektr stansiiasy qūrylysy boiynşa jalpyhalyqtyq referendum ötkızuge bailanysty Qazaqstan halqyna jäne partiia müşelerıne ündeu jasady, dep habarlaidy “Adyrna” ūlttyq portaly.
Partiia öz müşelerıne älemdık ekonomikanyŋ qazırgı jaǧdaiy, halyqaralyq naryqtardaǧy qataŋ bäsekelestıktıŋ artuy, geosaiasi teketırestıŋ küşeiuı ärbır memleketke energetikalyq qauıpsızdık mäselelerıne basa köŋıl böludı talap etetının habarlap, ündeu jasady.
“Bäsekege qabılettı, ärı sapaly önerkäsıp pen auyl şaruaşylyǧy önımderın öndıru otandyq energetikany qarqyndy damytu qajettılıgın tuyndatyp otyr.
Elımızde dästürlı jäne dästürlı emes közderden energiia öndırudıŋ özındık problemalary bar ekenı belgılı. Mysaly, soŋǧy kezderı su tapşylyǧynyŋ artuy bızdı su elektr energiiasyn öndırudıŋ bolaşaǧyna kümänmen qarauǧa mäjbürleidı. Mūnai men gaz qorlary da şeksız emes. Sondyqtan mūnai, gaz qorlaryna negızdelgen ūzaq merzımdı paidalanylatyn energetikalyq jobalardy josparlau mümkın emes.
Kömır otynyn paidalanu qazırdıŋ özınde kürdelı ekologiialyq mäselelerdı tuyndatuda. Atalmyş ekologiialyq mäselelerdıŋ eŋ bastysy – qūrǧaqşylyqqa, şöleittenuge jäne auyl şaruaşylyǧy önımderınıŋ ülesın aitarlyqtai joǧaltuǧa alyp keletın jahandyq klimattyŋ özgeruı.
Qazaqstanda kün jäne jel energiiasy sekıldı dästürlı emes quat közderınıŋ aitarlyqtai äleuetı bar. Alaida mūnyŋ da energiia qorlaryn jinaqtau jäne tūraqtandyru siiaqty tehnologiialyq mäselelerdıŋ şeşılmeuı saldarynan kömır men kömırsutekterdı tolyqtai almastyra almaityny belgılı bolyp otyr. Elımız qazırdıŋ özınde elektr quatynyŋ tapşylyǧyn sezınude jäne ony aitarlyqtai kölemde importtauǧa mäjbür. Elektr quatynyŋ tapşylyǧy oryn alǧanda ony eŋ aldymen auyldar men auyl şaruaşylyǧy salasy ötkır sezınetının kezınde jaryqsyz qalǧan auyldardyŋ mysalynan jaqsy bılemız. Qazırgı taŋda atom elektrostansiialary älemdegı köptegen elder üşın eŋ tūraqty energiia közderınıŋ bır bolyp otyr.
Memleket basşysy Q.K.Toqaev 2023 jylǧy 1 qyrküiektegı Qazaqstan halqyna Joldauynda atom elektr stansiiasyn salu nemese saludan bas tartu elımızdıŋ bolaşaǧyna qatysty asa maŋyzdy mäsele ekenın atap ötıp, ony jalpyūlttyq referendumda şeşudı ūsyndy. Öz kezegınde «Auyl» Partiiasy Qazaqstannyŋ ekologiialyq jäne energetikalyq qauıpsızdıgı, sondai-aq keler ūrpaqtyŋ bolaşaǧy üşın qabyldanatyn şeşımnıŋ maŋyzdylyǧyn eskere otyryp, ärbır qazaqstandyqty referendumda öz közqarasyn bıldırıp, atom elektr stansiiasyn saludy qoldauǧa şaqyrady”, - delıngen bügıngı joldanǧan ündeude.
Ūqsas jaŋalyqtar
