Oblys äkımı Beibıt İsabaevtyŋ töraǧalyǧymen el Prezidentınıŋ «Jasandy intellekt däuırındegı Qazaqstan: özektı mäseleler jäne ony tübegeilı sifrlyq özgerıster arqyly şeşu» atty Qazaqstan halqyna Joldauyn ıske asyru jönınde jiyn öttı.
Jiynǧa oblystyq basqarmalardyŋ basşylary, qoǧamdyq ūiymdardyŋ ökılderı, sol siiaqty onlain rejimde audan-qala äkımdıkterınıŋ qyzmetkerlerı qatysty, - dep habarlaidy Jetısu oblysy äkımınıŋ baspasöz qyzmetı.
Oblys äkımı öz sözınde Memleket basşysy jüktegen jetı naqty mındetke basa nazar audardy. Atap aitqanda, investisiia tartu, öŋdeu önerkäsıbın, kölık-logistika salasyn damytu, auyl şaruaşylyǧyn jaŋa deŋgeige köteru, tūrǧyn üi-kommunaldyq şaruaşylyǧy men su infraqūrylymyn jaŋǧyrtu, käsıpkerlerdıŋ sifrlyq damudyŋ qozǧauşy küşı retındegı rölın nyǧaitu, adam kapitalyn damytu arqyly ekonomikany jan-jaqty jaŋǧyrtu mäselelerıne keŋınen toqtaldy.
Mäselen, öŋırde qolaily investisiialyq ahualdy qalyptastyrudyŋ arqasynda oblys qūrylǧannan berı 1,2 trln. teŋge investisiia tartylǧan. Biylǧy jyly jalpy somasy 37 mlrd. teŋgenı qūraityn 14 ırı jobany ıske asyru josparlanyp otyr, būl 830-dan astam jaŋa jūmys ornyn aşuǧa mümkındık beredı. Būl rette aitarlyqtai investisiialyq jäne logistikalyq äleuetke ie, belsendı jūmys ıstep tūrǧan ekı arnaiy ekonomikalyq aimaqty damytuǧa audarylyp otyr. Osy oraida öŋır basşysy investorlarmen jüielı jūmys jürgızudıŋ tiımdı modelın engızıp, josparlanǧan investisiialyq jobalardyŋ belgılengen merzımde ıske asyryluyn qataŋ baqylau qajettıgın basa aitty.
Sonymen qatar oblys öŋdeu önerkäsıbın damytuda joǧary äleuetke ie. Osyǧan orai joǧary tehnologiialyq öndırısterdı damytu strategiialyq baǧyt retınde belgılenıp otyr. Būl rette öŋırde Köksai mys öŋdeu zauytyn salu jobasynyŋ maŋyzy zor bolmaq.
Al auyl şaruaşylyǧynda jyl basynan 54,3 mlrd. teŋgege tamaq önımderı öndırılıp, naqty indeks kölemı 112,3% qūraǧan.
- Aldymyzda Memleket basşysy tapsyrǧan auyl şaruaşylyǧyn jaŋa deŋgeige köteru mındetı tūr. Oblysta auyl şaruaşylyǧy önımderınıŋ şikızatyn qaita öŋdeu ülesı 68%-ǧa jettı. Mūnymen şektelıp qalmai, öŋdeu ısın odan ärı arttyru üşın qolda bar mümkındıkterdı paidalanyp, naqty şaralar qabyldauymyz kerek. Ol üşın tiıstı sala basşylaryna üzdık agrotäjıribenı engıze otyryp, agrohabtar men logistika ortalyqtaryn qūrudy, mal şaruaşylyǧyn qoldau arqyly ışkı naryqty etpen, sütpen jäne basqa da auyl şaruaşylyǧy önımderımen qamtamasyz etıp, eksportty arttyrudy tapsyramyn, - dedı B. İsabaev.
Mūnan soŋ kölık-logistika sektoryn damytu mäselesıne toqtalǧan öŋır basşysy tiıstı basqarmalarǧa osy salada jasandy intellektını qoldana otyryp, kölık tasymaldaryn basqarudyŋ köp funksiialy sifrlyq platformasyn engızudı jedeldetu, şekarada avtokölık tasymaldauşylarǧa körsetıletın qyzmet sapasyn jaqsartu mındetterın jüktedı.
Sol siiaqty tūrǧyn üi-kommunaldyq şaruaşylyǧy men su infraqūrylymyn jaŋǧyrtu, su ünemdeu tehnologiiasyn engızu, eldı mekenderdı abattandyru, äleumettık salany damytu, kadr daiarlau t.b. mäselelerge de keŋınen toqtaldy. Būdan bölek, käsıpkerler sifrlyq damudyŋ qozǧauşy küşı boluy kerektıgın jetkızıp, şaǧyn jäne orta biznestı damytudaǧy mındetterdı de atap öttı.
Öŋır basşysy oblysta älı de özektı bolyp otyrǧan bırqatar problemalardy nazardan tys qaldyrǧan joq. Sonyŋ ışınde qaitarylǧan auyl şaruaşylyǧy jerlerın qaita ainalymǧa engızu mäselesınde şiraqtyq kerek ekenın qadap aitty. Sondai-aq elektrmen jabdyqtau jelılerınıŋ tozuyn tömendetudı respublikadaǧy ortaşa körsetkışke jetkızu mındetın qoidy. Sonymen bırge atauly äleumettık kömektıŋ şyn mūqtaj jandarǧa ǧana körsetıluı tiıs ekenın tılge tiek etıp, jergılıktı jerlerde osyǧan qatysty jaǧdaidy egjei-tegjeilı zerdeleudı tapsyrdy. Sözınıŋ soŋynda oblys äkımı sifrlandyrudyŋ asa maŋyzdy kezeŋı bastalǧanyn aityp:
- Uaqyt talabyna sai öŋırdı damytu eŋ aldymen jūmysty dūrys ūiymdastyra bılumen qatar sifrlandyru jüiesın engızu deŋgeiıne bailanysty. Sondyqtan aldaǧy uaqytta Sifrlyq tehnologiialar basqarmasy öte belsendı jūmys ıstep, jasandy intellektını barlyq salaǧa qarqyndy engızudıŋ alǧy şebınde jüruı tiıs. Bılıktı, bılımdı jergılıktı IT mamandarymyzdy qalyptastyruymyz kerek. Aldymyzda ülken ısterdı nätijelı jüzege asyru mındetı tūr. Ol üşın bızdıŋ oblysta barlyq mümkındıkter bar. Sondyqtan osy aitylǧan maqsat-mındetterdı özderıŋızben bırlesıp sapaly atqaramyz dep senemın, - dedı B. İsabaev.
