Bügın Memleket basşysy Qasym-Jomart Toqaevtyŋ Qazaqstan halqyna Joldauyn tyŋdai otyryp, elımız üşın asa maŋyzdy jaŋa baǧyttar aiqyndaldy. Prezident kötergen mäselelerdıŋ özegı – ädılettı qoǧam qūru, ekonomika men bılımdı jaŋa satyǧa şyǧaru, zamanaui tehnologiiany batyl engızu.
Joldauda erekşe nazar audarylǧan salalardyŋ bırı – bılım. Prezident jasandy intellektını meŋgeru mektep qabyrǧasynan bastaluy qajet ekenın naqty atap öttı. Būl — bız üşın ǧana emes, ūrpaqtyŋ bolaşaǧy üşın de tarihi şeşım. Arnaiy oqu baǧdarlamalary men oqu materialdarynyŋ äzırlenuı, ūstazdardyŋ AI daǧdylaryn qalyptastyruy – elımızdıŋ bılım jüiesın tübegeilı jaŋartuǧa jasalǧan naqty qadam. «Qazaq Digital Mektebi» ülgısınıŋ qolǧa alynuy auyldaǧy oquşylarǧa da sapaly bılım aluǧa teŋ mümkındık beretının quana qoldaimyn.
Arman-PV baspasy būl jūmysty äldeqaşan bastap ketken. Bız Ekitap.kz platformasy men ArmanAI jobasyn damytyp, jasandy intellektını bılım beru prosesıne naqty engızıp jatyrmyz. Prezidenttıŋ bügıngı bastamalary bızdıŋ osy eŋbegımızdı jalǧastyruǧa jaŋa serpın beredı.
Prezident bügın su mäselesıne de toqtaldy. Su tapşylyǧy – tek ekonomikalyq emes, bolaşaqtaǧy äleumettık tūraqtylyqqa äser etetın maŋyzdy taqyryp. Būl mäselenı şeşu üşın qoǧamda jaŋa ekologiialyq mädeniet qalyptastyru qajet.
Arman-PV baspasynda daiyndalǧan «Jahandyq qūzyretter» oqulyǧynda osy taqyryp tereŋ zerttelıp, oqu baǧdarlamasyna engızıldı. Öitkenı, sudyŋ qūndylyǧy men ony ūqypty paidalanu qajettıgın ärbır bala mektep qabyrǧasynan bastap bıluı tiıs dep esepteimın.
Joldauda aitylǧan taǧy bır maŋyzdy tūs – investisiialyq ahualdy jaqsartu jäne käsıpkerlıkke qoldau. İnvestisiialyq ştab pen jaŋa sifrlyq platformalar biznestıŋ damuyna jaŋa arna aşady. Äsırese, şaǧyn jäne orta bizneske körsetıletın qoldau – eldıŋ ekonomikalyq tūraqtylyǧynyŋ kepılı.
Degenmen, Prezident aitqandai, reformalardyŋ baiau jüruı men biurokratiialyq kedergıler älı de şeşımın tabuy tiıs. Būl syn oryndy. Memleket tarapynan qoiylǧan mındetterdıŋ oryndaluy naqty nätijemen körınuı – biznes qauymdastyǧy üşın şeşuşı faktor.
Joldauda äleumettık ädılettılık mäselesı de keŋınen qozǧaldy. Ekonomikalyq reformalar halyqtyŋ kündelıktı ömırıne oŋ äser etuı üşın ädıldık qaǧidasy basty ölşem boluy tiıs. Būl qaǧidany ärbır biznes ökılı, sonyŋ ışınde bızdıŋ sala da basşylyqqa aluy kerek.
Prezidenttıŋ Joldauy – tek memlekettık jospar emes, ärbırımızge baǧyt-baǧdar beretın strategiialyq qūjat. Onda bılım salasyna jasandy intellektını engızu, su resurstaryn ūqypty paidalanu mädenietın qalyptastyru, käsıpkerlıkke jaŋa mümkındıkter aşu, äleumettık ädılettılıktı nyǧaitu sekıldı ülken mındetter qoiyldy.
Arman-PV ūjymy osy mındetterdı jüzege asyru jolynda öz ülesın qosa bermek. Bızdıŋ basty maqsatymyz – jaŋa däuırdıŋ bılımdı, oily, jauapty azamatyn qalyptastyruǧa atsalysu.
Didara Alina
Arman-PV baspasynyŋ bas direktory
