Memleket basşysy Qasym-Jomart Toqaev Joldauynda bır palataly Parlament qūru mäselesın köterdı, dep habarlaidy "Adyrna" ūlttyq portaly Aqordaǧa sılteme jasap.
Toqaev on jyl boiy Senatty basqarǧanyn eske alyp, būl jūmystyŋ zor jauapkerşılık ekenın atap öttı. Degenmen, ol bügıngı künı parlamenttık reforma turaly mäselenı aşyq talqylau qajettıgın aitty.
«Būl – öte maŋyzdy mäsele. Ony asyǧys jüzege asyruǧa bolmaidy. Reforma azamattyq sektorda, sarapşylar arasynda jäne qazırgı Parlamentte jan-jaqty talqylanuy tiıs. Talqylauǧa bır jyl uaqyt qajet dep sanaimyn», – dedı Prezident.
Memleket basşysy 2027 jyly jalpyūlttyq referendum ötkızıp, halyqtyŋ kelısımımen Konstitusiiaǧa özgerıster engızu mümkındıgın ūsyndy.
«Eger bır palataly Parlament qūru qajet degen ortaq şeşımge kelsek, ondai Parlamenttı tek qana partiialyq tızım boiynşa sailaǧan jön dep sanaimyn», – dedı Toqaev.
Onyŋ sözınşe, Mäjılıstıŋ qazırgı qūramy barlyq zaŋdyq räsımder aiaqtalǧanşa öz jūmysyn jalǧastyra beredı. Al Senat jalpyūlttyq referendum qorytyndysy şyǧyp, jaŋa Parlament sailauy ötkenge deiın qyzmetın alaŋsyz atqarady.
