Aıtystyń aqqýy edińiz, koýchtyń qarǵasyna aınaldyńyz!

5115

Qoǵam belsendisi, quqyq qorǵaýshy Aıgúl Orynbek Aınur Tursynbaevaǵa arnap ótinish hatyn joldady, dep habarlaıdy “Adyrna” ulttyq portaly.

Óz Facebook paraqshasynda jarııalaǵan jazbasynda “aıtystyń aqqýy edińiz, koýchtardyń qarǵasy bop barasyz” dep synady.

Esterińizde bolsa, Aınur Tursynbaeva bir jyl buryn kovıdten aýyryp jatqan myńdaǵan adamǵa IVL apparatyn tartý etken edi.

Apataıym aý!

Qan sasyp dem jetpeı jatqan halqyńa dem berip bir qýantyp ediń!

“Mıllıoner bolamyn”, dep Stambýlǵa aǵylyp dalada qańǵyp qalyp jatqan áıelderdiń kóshin toqtatyp bir qýantyńyz!

“Áıelderdiń ózinde mı joq pa?”,depsiz!
Iıa, sizderdiń ertegi ómirlerińizdi kórip júrgen áıelderde mı qalmady!

Sizdiń tátti sózderińizge mıy ýlanǵan áıelder, sizdiń janyńyzda júrgen quzǵyndarǵa jem bolyp jatyr!

Halqyńnyń júreginde qazaqtyń muńyn jyrlap júrgen qazaqtyń Aınury bolyp oryn aldyń!
Myna quzǵyndardyń arqasynda halqyńnan qarǵys alyp júrmeńiz dep osylaı ashyq jazyp otyrmyn!

Ózińizge jeke eskertip aıtpadym emes, aıttym!
Sol quzǵyndardy el aldynda jarnamalap júrgen soń, taıaqtyń bir ushy sizge de tıedi dep!
Meniń sózderim sizge unamaǵanyn bilem, dos jylatyp aıtady degen sóz bar emes pe?
Bul jazbamdy sizdi jamandyqqa qımaı jazyp otyrmyn dep qabyldańyz!

Aıtystyń aqqýy edińiz, koýchtardyń qarǵasy bolyp barasyz apataı!

Men sizdi baıaǵy aıtystyń aqqýy retinde kórgim keledi!,-dep jazdy Aıgúl Orynbek.

”Adyrna” ulttyq portaly 

Pikirler
Uqsas jańalyqtar