Memleket basşysy Qasym-Jomart Toqaevtyŋ tapsyrmasy boiynşa būl qarajat elımız boiynşa äleumettık maŋyzy bar infraqūrylymǧa baǧyttaluda.
Jaŋa medisina nysandary Aqtoǧai,
Şet, Abai jäne Būqar jyrau audandarynda aşylyp, auyl tūrǧyndary üşın medisinalyq kömektıŋ qoljetımdılıgın arttyrady.
Oblys äkımı Ermaǧanbet Bölekpaev Būqar jyrau audanyna baryp, bırden üş jaŋa nysannyŋ – Baiqadam, Sarytöbe jäne Toǧyzqūdyq auyldaryndaǧy ekı FAP pen därıgerlık ambulatoriianyŋ jūmysymen tanysty.
Olardyŋ bırı – Toǧyzqūdyq auylyndaǧy därıgerlık ambulatoriia. Nysan auysymyna 45 adam qabyldauǧa eseptelgen. Mūnda därıger, ekı medbike jäne akuşer eŋbek etude.
Auylda 1100 adam tūrady.
– Būryn bızdıŋ qyzmetkerler peşpen jylytylatyn beiımdelgen ǧimaratta jūmys ısteuge mäjbür bolatyn. Qazır bızde zamanaui ülgıdegı ambulatoriia bar, mūnda alǧaşqy medisinalyq kömek körsetuge qajettınıŋ bärı qarastyrylǧan. Sonymen qatar fizioterapiia, emdık dene şynyqtyru kabinetterı, kündızgı stasionar, jötel kabinetı, beine-kolposkop bar. Jūqpaly auruǧa küdıktı nauqastar üşın bölek kıreberıster jasalǧan. Kadr tapşylyǧy kötermeaqylar, tūrǧyn üige berıletın paiyzsyz nesieler arqyly şeşılude. Jaqynda bızge «Diplommen – auylǧa!» baǧdarlamasy boiynşa jas därıger men medbike keldı. Taǧy akuşer mamannyŋ keluın kütıp otyrmyz, – dedı Ortalyq audandyq auruhananyŋ bas därıgerınıŋ mındetın atqaruşy Aigül Mergenbaeva.
Būqar jyrau audanyndaǧy medisina mekemelerıne jas mamandar belsendı türde tartylyp jatyr. Soŋǧy jyldary 24 medisinalyq qyzmetker keldı. Olardyŋ arasynda jalpy täjıribe därıgerlerı, hirurg, pediatr, farmasevter, akuşerler men medbikeler bar. Biyl bes maman jūmysqa ornalasyp, taǧy törteuı – terapevt, akuşer-ginekolog jäne anesteziolog-reanimatolog keledı dep kütılude.
– Men Qarqaraly qalasynyŋ tumasymyn. Biyl Qaraǧandy medisina universitetın tämamdadym, – deidı jalpy täjıribe därıgerı İslam Serıkbaev. – «Diplommen – auylǧa!» baǧdarlamasynyŋ mümkındıgın paidalandym. Maǧan 8,5 mln teŋge kötermeaqy tölenedı. Būǧan qosa audan äkımdıgı 392 myŋ teŋge böldı. Bolaşaq ärıptesterıme aitarym: qorqudyŋ qajetı joq. Auylǧa kelıŋızder, mūnda ärdaiym mamandar qajet!
Bügıngı taŋda Būqar jyrau audanynda 54 densaulyq saqtau nysany jūmys ısteidı. Onyŋ ışınde 13 därıgerlık ambulatoriia, 16 FAP jäne 25 medisinalyq punkt bar. Medisinalyq infraqūrylymdy jaqsartu jūmysy jalǧasuda.
Audanda taǧy 14 nysannyŋ qūrylysy jürıp jatyr. Olardyŋ ıske qosyluymen auyl tūrǧyndary öz auylynan şyqpai-aq keŋ kölemdı medisinalyq qyzmet ala alady.
– Qaraǧandy oblysynyŋ auyldarynda barlyǧy 92 densaulyq saqtau nysany salynady. Būl – elımızdegı eŋ joǧary körsetkış. Prezident tapsyrmasy boiynşa bız auyldardaǧy alǧaşqy medisinalyq kömektı jaŋǧyrtyp jatyrmyz, – dedı Ermaǧanbet Bölekpeav.
Sondai-aq Konstitusiia künı qarsaŋynda Būqar jyrau audanynyŋ Üştöbe auylynda «Auyl – El besıgı» arnaiy jobasy aiasynda jaŋa Mädeniet üiı aşyldy.
