«Astanaenergosbyt» JShS-na 6 mln teńge aıyppul salynatyn boldy

2635
Adyrna.kz Telegram
Foto: ashyq derekkózden
Foto: ashyq derekkózden

“Astanaenergosbyt” JShS-na 6 mln teńge aıyppul salynatyn boldy. Tabıǵı monopolııalardy retteý komıteti «Astanaenergosbyt» JShS-nyń jumysyna tekseris júrgizip, birqatar zań buzýshylyqtardy anyqtady, dep habarlaıdy “Adyrna” ulttyq portaly.

Elorda turǵyndary sońǵy aılarda kommýnaldyq tólem kvıtanııalarynda kórsetilgen elektr energııasyn paıdalanǵany úshin tólemderdiń ósýin baıqaǵan. Osy máselemen Tabıǵı monopolııalardy retteý komıtetine qyzmet kórsetýshiniń jumysyn tekserýge ótinish bergen.

«Astanalyq tutynýshylar ótinishi negizinde QR UEM Tabıǵı monopolııalardy retteý komıteti Nur-Sultan qalasy boıynsha aýmaqtyq departamentpen birigip, «Astanaenergosbyt» JShS-na qatysty elektrmen jabdyqtaý qyzmetteri úshin tólemge kóterińki shottar qoıýdyń negizdiligi turǵysynan jospardan tys tekserý ótkizdi», – delingen habarlamada.

Komıtet baspasóz qyzmetiniń málimetinshe, mekeme astanalyqtarǵa elektr energııasyn paıdalanǵany úshin tólemderdi negizsiz ósirgeni belgili boldy.

«Astanaenergosbyt» JShS áreketterin tekserý qorytyndylary boıynsha elektr energııasyn tutyný kólemine baılanysty tarıfterdi saralaý kezinde tólem somalaryn esepteý tártibin buzý anyqtaldy. Bul tutynýshylarǵa tólemge qoıylǵan negizsiz joǵary somalarǵa alyp keldi. Tekserý barysynda júgingen 56 tutynýshynyń 32-sine 129 myń teńge mólsherinde negizsiz soma qoıylǵany anyqtaldy. Mysaly, tutynýshylardyń biri boıynsha tórt aıda artyq tólemniń jalpy somasy 17 myń teńge bolǵan (Nur-Sultan qalasynyń tutynýshylardyń kVt/saǵ úshin 4,5 myń teńge mólsherinde aı saıynǵy ortasha tólem kezinde)», – delingen habarlamada.

Mekemege qatysty Qazaqstan Respýblıkasynyń Ákimshilik quqyq buzýshylyq týraly kodeksiniń 167-baby boıynsha ákimshilik is qozǵalǵan. Oǵan sáıkes, 2000 AEK nemese 6 mıllıon teńgeden joǵary mólsherde aıyppul kózdelgen.

Sondaı-aq, «Astanaenergosbyt» JShS-nyń atyna elektr energııasyn tóleý somasy zańsyz eseptelgen elordanyń barlyq tutynýshylaryna tólem somasyn qaıta esepteýdi júrgizý arqyly jol berilgen zańbuzýshylyqtardy mindetti túrde joıý týraly nusqama engizilgen.

«Tutynýshylar usynylǵan shottardyń negizsiz artyq kóterilgenin anyqtaǵan jaǵdaıda, qaıta esepteý júrgizý úshin «Astanaenergosbyt» JShS-nyń atyna júginýge quqyly. «Astanaenergosbyt» JShS-nyń tarapynan qaıta esepteýden negizsiz bas tartqan jaǵdaıda, tutynýshylar Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Nur-Sultan qalasy boıynsha departamentine júginýine bolady», – delingen habarlamada.

”Adyrna” ulttyq portaly

Pikirler