Otandyq önerpaz Aleksandr Lim «Novaia volna – 2025» halyqaralyq jas oryndauşylar baiqauynda jeŋımpaz atandy. Būl turaly Mädeniet jäne aqparat ministrlıgı aitty, dep habarlaidy «Adyrna» tılşısı.
Aleksandr – osy festivalde jeŋıske jetken alǧaşqy qazaqstandyq. Ärtıs äleumettık jelılerde kaver-videolarymen tanymal boldy. Änşı orys, aǧylşyn, italian, türık jäne basqa tılderde hit änderdı oryndap, videolary myŋdaǧan qaralym jinaǧan.
2018 jyly Aleksandr «I’m a singer Kazakhstan» baiqauyna qatysyp, jartylai finalǧa jettı. 2021 jyly ol tanymal «Golos Ukrainy» şouyna qatysyp, Nadejda Dorofeevanyŋ jetekşılıgımen jasyryn tyŋdalymnan sättı ötıp, nokaut kezeŋıne deiın öner körsettı.
Sondai-aq taǧy bır qazaqstandyq oryndauşy Ernazar Jūban da jüldelı orynǧa ie boldy. Ötken jyly ol Vitebsk qalasynda ötken «Slavian bazary» halyqaralyq vokal baiqauynda bırınşı oryndy jeŋıp alǧan edı. Änşı «Novaia volna» dodasynda laiyqty öner körsetıp, üşınşı orynǧa ie boldy.
