Aqtauda bırneşe er adam boijetkendı ūrlap, mefedron berıp, qorlyq körsetken, dep habarlaidy "Adyrna" ūlttyq portaly NeMolchi.kz qoryna sılteme jasap.
Qordyŋ aituynşa oqiǧa 2024 jyldyŋ mamyr aiynda bolǧan. Jaǧdai turaly qor qyzmetkerlerıne marqūm qyzdyŋ aǧasy baiandaǧan.
"Mereke qarsaŋynda marqūmnyŋ aǧasy kelgen bolatyn. Qyz sportşy ärı fitnes-trener bolǧan. 14 mamyr künı jūmystan soŋ üiıne jalǧyz qaityp bara jatqan qyzdy bırneşe er adam ūryp-soǧyp, küşpen kölıkke otyrǧyzǧan. Közın bailap, ony qorqytyp, tünı boiy janarmai qūiu beketı maŋynda ūstaǧan. Kölıktegı zorlauşylardyŋ bırı qyzǧa qinap mefedron bergen. Onyŋ äielı, balasy bary anyqtaldy. Soraqysy, adamtözgısız ūiatsyz beinejazbalar köruge mäjbürlep, bırneşe ret zorlaǧan. Taŋǧa juyq jäbırlenuşıden onlain bank arqyly 2 million teŋge nesie aldyrtqan. Er adamdardyŋ bırı bolǧan jaitty eşkımge aitpauyn eskertıp, qyzdy qorqytyp, qalaǧa tastap ketken", - delıngen jazbada.
Zorlyq körgen qyz oqiǧadan keiın bırden qūrbysyna jaǧdaidy baiandap bergen. Qūrbysy aǧasyna habarlasyp, bolǧan jerdı anyqtauǧa kırısken. Sol uaqytta aǧasy qaryndasyna habarlasyp, būl ıstı soŋyna deiın jetkızetının aitqan. Qyz da aryz jazuǧa kelısımın bergen. Alaida däl sol sätte, qūrbysynyŋ köz aldynda, terezeden sekırıp ketken.
Qor būl ıstı Bas prokuraturanyŋ nazaryna aludy sūrady. Aqparat boiynşa, jergılıktı BAQ oqiǧany tek "qyz qūlap qaza tapty" dep jariialaǧan.
Qordyŋ mälımetınşe, qyzdy zorlaǧan 5 küdıktınıŋ törteuı 3-4 jyl ışınde şartty türde merzımınen būryn bosap şyǧuy mümkın. Būl aqparat qoǧamda ülken alaŋdauşylyq tudyrdy.
Ūqsas jaŋalyqtar
