Májilis depýtaty Azat Perýashev Reseıdiń eks-prezıdenti Medvedevtiń VKontakte paraqshasynda jarııalanǵan jazbasyna qatysty pikir bildirdi. Depýtat óz oıyn Telegram jelisindegi paraqshasynda jarııalady, dep habarlaıdy “Adyrna” ulttyq portaly.
«Feık bolmasa, bul ne sonda? Aýrý sananyń sandyraǵy ma, álde, abaısyzda aýyzdan shyqqan jasyryn qııaldar ma?
Qalaı bolǵanda da, las ári qurmetke laıyqsyz áreket.
«Úsh júz jyldyq ıgerýge» qarsy qazaqtar men, tipti, soltústik óńirlerdi de mekendegen babalarymyzdyń myń jyldyq tarıhynan talaı mysaldy keltirýge bolady; shekarasy qazirgi Qazaqstan aýmaǵynan da aýqymdy bolǵan, bıleýshilerinen barlyq qazaq handary taraǵan, Qazaq handyǵy murageri sanalatyn Altyn Ordany eske salamyz. Aıtpaqshy, Máskeý kinázdiginiń kúsheıip, aınalasyna ózge orys jerleriniń qosylýyna yqpal etken de dál osy Altyn Orda.
Biraq, bul Altyn Ordany qaıta quryp, bes júz jyl boıy tólenbegen salyqty talap etý kerek degen sóz emes qoı. Halyqaralyq quqyq qoldanystaǵy shekaralardyń buzylmaýyn moıyndaýdan týyndaıdy. Biz úshin eń bastysy – Qazaqstanda túrli etnos ókilderiniń tatý-tátti ómir súrip jatqany. Eńbek etip, óz memleketi men óz kásipteriniń kúsheıýine qolǵabys qylýda. Otbasylaryn quryp, týys tabýda, bala ósirýde. Biz óz ómirimizdi ózimiz durystaımyz.
Biraq, raıonaldy ýájder mundaı provakııalardyń avtorlaryna áser etpeıtin sekildi, taǵy qaıtalaımyn, eger bul feık bolmasa, árıne.
Qalaı bolǵanda da, mundaı jarııalanymdardyń paıda bolýy oıyn emes. Bul toqtaýsyz jýrnalıster men jergilikti depýtattardyń sandyraǵy emes. Áńgime kórshi eldiń eks-prezıdenti, ıaǵnı, úlken saıası tájirıbesi bar saıasatker týraly.
Bizdiń Syrtqy ister mınıstrligi jaǵdaıdy anyqtap, anyq-qanyǵyn habarlaý kerek.
Áıtpese, «Aq jol» dempartııasynyń frakııasy SIM-ge resmı saýal joldaıtyn bolady», dep jazdy Azat Perýashev.
”Adyrna” ulttyq portaly
