«Qazaqstan» respublikalyq teleradiokorporasiiasynyŋ Basqarma töraǧasy qyzmetıne Ernūr Burahan taǧaiyndaldy, dep habarlaidy «Adyrna» tılşısı.
Ernūr Köşerhanūly 1981 jyly 16 mausymda Şyǧys Qazaqstan oblysynda düniege kelgen. Jurnalistika salasynda 20 jyldan astam täjıribesı bar. Är jyldary «Qazaqstan» telearnasynda tılşı, telejürgızuşı, «Qazaqstan»teleradiokorporasiiasynyŋ Aqtöbe oblystyq filialynyŋ direktory, «Qazaqstan» teleradiokorporasiiasyna qarasty «Qazaq radiolary» JŞS direktory qyzmetterın atqardy. Biyl qaŋtar aiynan bastap Şyǧys Qazaqstan oblysy Işkı saiasat basqarmasynyŋ basşysy qyzmetınde boldy.
Al Korporasiiany alty jyldan astam uaqyt basqarǧan belgılı mediamenedjer Läzzat Tanysbai öz ötınışımen bügın qyzmetın aiaqtady. Bügınnen bastap ol otandyq «Evraziia» Bırınşı arnasyna» jetekşılık etedı.
