Armeniia men Äzerbaijan beibıtşılık ornatu jäne memleketaralyq qatynastardy qalyptastyru jönındegı aldyn ala kelısılgen kelısım mätının jariialady, dep habarlaidy "Adyrna" ūlttyq portaly.
Qūjatta ekı el bır-bırınıŋ egemendıgı men aumaqtyq tūtastyǧyn moiyndaitynyn, kez kelgen aumaqtyq talaptardan bas tartatynyn jäne körşı memlekettıŋ ışkı ısıne aralaspauǧa mındetteletını aitylǧan.
Taraptar küş qoldanbauǧa, ortaq şekara boiynda üşınşı elderdıŋ äskeri küşterın ornalastyrmauǧa, senım men qauıpsızdık şaralaryn engızuge kelıstı. Sonymen qatar, şekaranyŋ delimitasiiasy men demarkasiiasy jürgızılıp, diplomatiialyq qatynastar ornatylady.
Kelısım ekonomikalyq, kölık, ekologiialyq, gumanitarlyq jäne mädeni yntymaqtastyqty közdeidı. Sondai-aq, qaqtyǧys kezınde ız-tüzsız joǧalǧandardy ızdeu jäne qaza tapqandardyŋ süiekterın qaitaru jūmystary jürgızıledı. Būrynǧy barlyq özara şaǧymdar halyqaralyq instansiialardan qaitarylady.
Kelısımnıŋ oryndaluyn ekıjaqty komissiia baqylaidy, al tuyndaǧan daular beibıt jolmen şeşıledı. Qūjat äzerbaijan, armian jäne aǧylşyn tılderınde daiyndalǧan, al dauly jaǧdaida aǧylşyn tılındegı nūsqa basşylyqqa alynady.
