Şymkent qalasynda Memleket basşysy Qasym-Jomart Toqaevtyŋ tapsyrmasyna säikes qolǧa alynǧan «Taza Qazaqstan» respublikalyq ekologiialyq aksiiasy şeŋberınde jüielı jūmystar atqaryluda. Būl bastama elımız boiynşa ekologiialyq mädeniettı arttyru, azamattardyŋ tabiǧatqa degen jauapkerşılıgın qalyptastyru jäne qorşaǧan ortanyŋ tazalyǧyn qamtamasyz etu maqsatynda jüzege asyryluda.
Atalǧan aksiia aiasyndaǧy kezektı senbılık ıs-şarasy Eŋbekşı audanynda ötkızıldı. Is-şaraǧa Şymkent qalalyq Jaily ortany damytu basqarmasy jäne «Gruppa İNTEKO» mekemesınıŋ mamandary jūmyldyrylyp, bırqatar aumaqtarda sanitarlyq-tazalyq jūmystary ūiymdastyryldy.
Atap aitqanda, Qaratöbe eldı mekenı, Jıbek joly jäne Berdıqoja batyr köşelerınde arnaiy tehnikalar men tazalyq brigadalary jūmys jürgızdı. Tazalyq jūmystary barysynda köşe boiyndaǧy aram şöpter orylyp, aǧaştardyŋ quraǧan būtalary kesıldı. Sonymen qatar, jaiau jürgınşıler joldary mūqiiat sypyrylyp, aialdamalar men jol jabyny juylyp, sanitarlyq talaptarǧa sai keltırıldı.
Tūrmystyq qaldyqtar men jinalǧan kül-qoqystar arnaiy tehnika kömegımen tügeldei şyǧaryldy. Būl jūmystarǧa tek mekeme qyzmetkerlerı ǧana emes, jergılıktı tūrǧyndar da belsendı atsalysyp, ortaq ıske öz ülesterın qosty. Mūndai bırlesken jūmystar qoǧamnyŋ ekologiialyq jauapkerşılıgın arttyryp, tūrǧyndardyŋ tabiǧatqa degen közqarasyn jaqsartuǧa yqpal etetını sözsız.
Jalpy, Eŋbekşı audanynda tazalyq pen tärtıpke baǧyttalǧan mūndai şaralar tūraqty türde ötkızılıp keledı. Būl – tek qala körkı üşın ǧana emes, halyqtyŋ ömır süru sapasyn jaqsartu üşın de maŋyzdy.
Aita keteiık, «Taza Qazaqstan» ekologiialyq aksiiasy aldaǧy uaqytta da öz jalǧasyn tabady. Şymkent qalasynyŋ barlyq audandarynda kezeŋ-kezeŋımen tazalyq jūmystary jürgızılıp, qala ekologiiasyn jaqsartuǧa baǧyttalǧan keşendı ıs-şaralar jüzege asyrylady.
