4 tamyz künı Gruziia astanasy Tbiliside joǧalyp ketken 27 jastaǧy Qazaqstan azamaty ölı küiınde tabyldy, dep habarlaidy "Adyrna" ūlttyq portaly.
Qaiǧyly jaŋalyqty Gruziianyŋ Qazaqstandaǧy elşılıgı rastady. Qazırgı uaqytta onyŋ ölımıne qatysty naqty jaǧdailar anyqtalyp jatyr.
Şyŋǧys Mūsädılovtıŋ dostarynyŋ aituynşa, ony soŋǧy ret 3-ten 4 tamyzǧa qaraǧan tünı saǧat 03:00–04:00 şamasynda Tbilisidegı "Rustaveli" metro stansiiasyna jaqyn ornalasqan Laila klubynyŋ maŋynda körgen. Sol tünnen keiın ol üiıne oralmaǧan jäne jūmysqa da kelmegen.
Sol uaqyttan bastap Şyŋǧyspen bailanys tolyq üzılgen. Ol qoŋyraular men habarlamalarǧa jauap bermegen.
Jaqyndary men dostary Tbilisi polisiiasyna aryz tüsırıp, äleumettık jelıler arqyly onyŋ erekşe belgılerın körsetıp, aqparat taratqan. Izdeu bırneşe künge sozylǧan.
Onyŋ ölımıne qatysty naqty sebepter men jaǧdailar äzırge jariialanǧan joq. Gruziia qūqyq qorǧau organdary būl mäselege bailanysty resmi tüsınıkteme bermegen.
