5 tamyz künı Astana uaqytymen saǧat 18:44 te Almatydan oŋtüstık-batysqa qarai 408 şaqyrym qaşyqtyqta jer sılkınısı tırkeldı. Būl turaly QR Tötenşe jaǧdailar ministrlıgı "SBZŪǦO" JŞS seismikalyq stansiialar jelısı mälımdedı, dep habarlaidy “Adyrna”.
Jerasty dümpuı 41.310 s.e., 72.690 ş.b. koordinatasynda, iaǧni Almatydan oŋtüstık-batysqa qarai 408 şaqyrym qaşyqtyqta, Qyrǧyzstan aumaǧynda bolǧan.
Jer sılkınısınıŋ energetikalyq klasy – 13,1, magnitudasy MPV 5,9.
Eseptık qarqyndylyq 2 ball bolyp, ol Jambyl oblysynyŋ Merke, Qūlan, Taraz, Sarykemer, Bauyrjan Momyşūly, Asa, Qordai, Şu, Qaratau, Töle bi eldımekenderınde, sondai-aq Türkıstan oblysynyŋ Tūrar Rysqūlov, Lenger, Mankent, Sairam, Aqsukent, Qazyǧūrt, Saryaǧaş, Abai, Temırlan auyldarynda jäne Şymkent qalasynda sezılgen.
Zardap şekkender men qiraǧan ǧimarattar turaly aqparat joq.
