1 tamyzda Meiırlan Rahanov Abai oblysy äkımınıŋ orynbasary qyzmetıne taǧaiyndaldy, dep habarlaidy "Adyrna" ūlttyq portaly.
Osyǧan deiın ol Qazaqstan Respublikasy Aqparat jäne qoǧamdyq damu ministrlıgıne qarasty Aqparat komitetınıŋ töraǧasy qyzmetın atqarǧan. Atalǧan qyzmetten jaqynda bosatylǧan bolatyn.
Meirlan Rahanov 1988 jyly Qaraǧandy oblysynda düniege kelgen. Qaraǧandy ekonomikalyq universitetın tämamdaǧan.
Eŋbek jolyn 2011 jyly Qaraǧandy qalasy äkımdıgınıŋ ışkı saiasat bölımınde bastaǧan. 2012 jyly Qaraǧandy oblystyq Salyq basqarmasynda jetekşı maman bolyp qyzmet ettı. Keiın Qaraǧandy oblysy äkımdıgınıŋ ışkı saiasat basqarmasynda bas maman lauazymynda jūmys ıstegen.
2013–2016 jyldary QR Aqparat komitetınıŋ baspasöz basylymdary basqarmasynda sarapşy, bas sarapşy retınde eŋbek ettı. 2016 jyldan 2021 jylǧa deiın Qazaqstan Respublikasy Prezidentınıŋ baspasöz qyzmetınde sarapşy, konsultant, inspektor lauazymdaryn atqardy.
2021 jyldyŋ şıldesınen 2023 jyldyŋ jeltoqsanyna deiın Prezident baspasöz qyzmetınıŋ sektor meŋgeruşısı boldy. 2024 jyldyŋ qaŋtar aiynda Aqparat jäne qoǧamdyq damu ministrlıgı janyndaǧy Aqparat komitetınıŋ töraǧasy qyzmetıne taǧaiyndalǧan.
