Jambyl oblysyndaǧy janarmai qūiu beketınde reseilık baikerge pyşaqpen şabuyl jasaǧan qazaqstandyq azamat 11 jyl 3 aiǧa bas bostandyǧynan aiyryldy, dep habarlaidy “Adyrna” ūlttyq portaly QazAqparatqa sıltep.
Sonymen qatar, sot aiyptaluşydan 500 myŋ teŋge (şamamen 925 dollar) moraldyq şyǧyn jäne 1,3 million teŋgeden astam (şamamen 2,4 myŋ dollar) materialdyq şyǧyn öndırıp aluǧa şeşım şyǧardy. Ol suyq qarudy zaŋsyz alyp jüru jäne būzaqylyq nietpen kısı öltıruge oqtalu baptary boiynşa aiyptaldy.
Tergeu mälımetınşe, säuır aiynda Merkı audanyndaǧy AZS-te aiyptaluşy jäbırlenuşımen şyǧaberıste soqtyǧysyp qalady. Bolmaşy sebeppen er adam kısı öltıru nietımen jäbırlenuşıge art jaǧynan kelıp, oǧan pyşaqpen arqasyna jäne keude tūsyna ekı ret jaraqat salǧan.
Kuägerler şabuyldauşyny zalalsyzdandyrǧan. Jäbırlenuşı oqiǧa ornynan qaşyp ülgergen, būl aiyptaluşynyŋ qylmystyq oiyn aiaqtauyna kedergı keltırgen.
Zakon.kz mälımetınşe, sot barysynda aiyptaluşy ökınış bıldırgenımen, kınäsın moiyndamaǧan. Prokuror oǧan 15 jyl jaza sūrady, alaida sot balalarynyŋ kämeletke tolmaǧanyn eskerıp, 11 jyl 3 ai merzım berdı. Ükım älı zaŋdy küşıne engen joq.
Oqiǧa 14 säuırde belgılı boldy. ORDA.kz jazuynşa, jaralanǧan azamat – Resei azamaty, baiker. Ol Şymkentte motomausymnyŋ aşyluynan qaityp kele jatqanda motosiklın janarmaimen toltyru üşın toqtaǧan. Därıgerler onyŋ keude jäne bel tūsynan pyşaqtalǧanyn habarlady. Küdıktı oqiǧa ornynda ūstalyp, ıs Işkı ıster ministrınıŋ jeke baqylauyna alynǧan.
