30 şılde künı Pavlodar qalasynda Nūrmaǧambetov köşesındegı köpqabatty üilerdıŋ bırınde äiel adam ekı balasyn besınşı qabattan laqtyryp, artynşa özı de sekırıp ketken, dep habarlaidy "Adyrna" ūlttyq portaly.
Oblystyq jedel järdem stansiiasynyŋ mälımetınşe, şaqyrtu “103” qyzmetıne saǧat 13:00-de tüsken. Köşeden ötıp bara jatqan adam dereu habar bergen.
Oqiǧa ornyna bırınşı kezektegı şūǧyldyqpen üş jedel järdem toby jıberılgen. Medisinalyq qyzmetkerler alty minut ışınde jetıp, alǧaşqy kömek körsetılgen.
"Ekı bala auyr halde oblystyq balalar auruhanasyna jetkızıldı. Äiel adam da auyr jaǧdaida Pavlodar qalalyq №1 auruhanasyna jetkızılgen" - delıngen jedel järdem stansiiasy taratqan resmi habarlamada.
Bala qūqyqtary jönındegı uäkıl Säule Şäkenevanyŋ aituynşa, zardap şekken balalardyŋ bırı 1,5 jasta, ekınşısı – 5 jasta.
“Qaiǧyly jaǧdai kezınde päterde tek anasy men balalary bolǧan”, – dep naqtylady uäkıl.
Qazırgı taŋda üşeuınıŋ de jaǧdaiy öte auyr dep baǧalanuda. Tiıstı organdar tergeu amaldaryn bastap kettı. Oqiǧanyŋ sebepterı men män-jaiy anyqtalu üstınde.
