Halyk Bank halyqaralyq Top Employers Institute ūiymynyŋ baǧalau nätijesı boiynşa Qazaqstandaǧy 2025 jyldyŋ üzdık jūmys beruşısı (Top Employer) märtebesıne ie boldy. Bank būl ataqqa ie bolǧan tūŋǧyş qazaqstandyq brend. Ol HR täjıribelerınıŋ joǧary deŋgeiın körsetıp, adami kapitaldy basqaru salasyndaǧy bırqatar negızgı körsetkışter boiynşa jahandyq mejelerden asyp tüstı, dep habarlaidy «Adyrna» Stan.kz-ke sılteme jasap.
Būl sertifikatty 1991 jyly Niderlandyda qūrylǧan Top Employers Institute atty täuelsız halyqaralyq ūiym beredı. İnstitut kompaniialardyŋ HR üderısterıne tereŋ audit jürgızıp, “Üzdık jūmys beruşı” märtebesın alty negızgı HR körsetkışı men 600-den astam ölşem negızınde taǧaiyndaidy. Būl sanatqa: köşbasşylyqty damytu, talanttardy basqaru, mansapty josparlau, qyzmetkerlerdıŋ ıske tartyluy, ötemaqy men jeŋıldıkter, korporativtık mädeniet pen orta kıredı.
"Top Employer märtebesın alyp, qyzmetkerlerdı basqarudyŋ negızgı baǧyttary boiynşa jahandyq standarttardan asyp tüsuımız arqyly bız zaman talaptaryna sai, sapaly ärı strategiialyq tūrǧydan dūrys ädısterdı qoldanyp kele jatqanymyzdy däleldedık. Būl – qūndylyqtardyŋ tūtas jüiesın qalyptastyru men qyzmetkerlerdı damytuǧa baǧyttalǧan köpjyldyq jäne jüielı eŋbektıŋ nätijesı", – dedı Halyk Bank Basqarma Töraiymy Ümıt Şaiahmetova.
Baǧalau 20-dan astam taqyrypty qamtityn HR Best Practices Survey atty halyqaralyq zertteu negızınde jürgızıldı. Onyŋ ışınde ūiymdyq mädeniet, inkliuziia jobalary, beiımdelu, oqytu jäne tūraqty damu siiaqty baǧyttar bar.
"Üzdıksız özgerıster bolyp jatqan kezde, adamdardy öz strategiiasynyŋ basty bölıgı etıp qoiatyn ūiymdardy köru şabyt beredı. 2025 jylǧy Top Employers baǧdarlamasy Halyk Bank siiaqty jūmys beruşılerdıŋ HR salasyndaǧy joǧary standartta adal ekenın körsetedı. Bız eŋbek älemın jaqsartuǧa üles qosyp jatqan osy köşbasşylardy maqtanyşpen aitamyz", – dedı Top Employers Institute bas direktory Devid Plink.
2025 jyly Top Employer märtebesı 125 el men aimaqtyŋ ūiymdaryna berıldı. Būl kompaniialar eŋbek jaǧdaiyn jaqsartyp, adamdardyŋ ömır sapasyna oŋ äser etıp keledı.
"Bız Qazaqstannyŋ barlyq öŋırlerınde jūmys ısteitın 14 myŋnan astam qyzmetkerımızdı ünemı damytudamyz. Olardyŋ äl-auqatyna investisiia salyp, olardy jıgerlendıretın zamanaui saiasatty ūstanamyz. Bızdıŋ komandamyz şabyttandyratyn, käsıbi ärı tūraqty ortada qarqyndy damyp, joǧary nätijeler körsetude", – dep qosty Halyk Bank Qyzmetkerlerdı basqaru departamentınıŋ direktory İndira Aşirova.
Halyk Bank turaly
Halyk Bank – Qazaqstandaǧy 100 jyldan astam tarihy bar eŋ ırı ämbebap qarjy ūiymy. Bank jeke jäne korporativtık klientterge auqymdy qarjylyq qyzmetter körsetedı. Sonymen qatar tūraqtylyqqa, qyzmetkerlerdıŋ tartyluyna jäne olardyŋ äleuetın aşuǧa baǧyttalǧan korporativtık mädeniettı jüielı türde damytyp keledı. Bügınde Qazaqstannyŋ barlyq öŋırlerınde bank qūramynda 14 myŋnan astam qyzmetker eŋbek etedı.
Top Employers Institute turaly
Top Employers Institute – HR-strategiialardy baǧalau salasyndaǧy jetekşı halyqaralyq ūiym. Sertifikasiialyq baǧdarlamalar men taldamalyq qūraldar arqyly institut kompaniialarǧa qyzmetkerlerdı basqaru täjıribesın jetıldıruge, bäsekege qabılettılıktı arttyruǧa jäne tiımdı eŋbek ortasyn qalyptastyruǧa qoldau körsetedı.
