Şalǧaidaǧy auyl mektebınen ülken arenaǧa şyqqan jas sportşylar Qyrǧyzstanda 2008–2010 jyly tuǧan jasöspırımder arasynda ötken halyqaralyq voleibol turnirınde el namysyn qorǧap, mereiın üstem ettı.
Būl jarysqa «Auyl sport - 2024» respublikalyq turnirınıŋ jeŋımpazdary – Soltüstık Qazaqstan oblysy Qyzyljar audany Besköl auylynyŋ qyzdar komandasy men Almaty oblysy Qarasai audany Üşqoŋyr auylynyŋ ūldar komandasy qatysty. 
Qarapaiym jattyǧu zalynan bastalǧan jol Qyrǧyzstan törındegı jeŋıske ūlasty. Būl – Timur Qūlybaevtyŋ Halyk qaiyrymdylyq qory jüzege asyryp jatqan «AUYL SPORT» nätijesı. Joba ırı käsıpker, sport janaşary Timur Qūlybaevtyŋ auyldaǧy talantty jastarǧa jol aşu jönındegı strategiialyq bastamasy. Onyŋ bastamasymen «Halyk» qory būqaralyq sportty qoldauǧa jüielı türde qarjy bölıp keledı.
Būl tek sport jeŋısı emes, auyl balasynyŋ jıgerı men elge degen adal mahabbatynyŋ aiǧaǧy. Osyndai ruhty jastardy qoldau – elımızdıŋ bolaşaǧyna salynǧan investisiia.
Jarys barysynda ülken tartysqa toly oiyndar öttı. Ūldar arasyndaǧy finalda Üşqoŋyr auylynyŋ komandasy Qyrǧyzstannyŋ Chu oblysy, Mramornoe auylynyŋ ūjymyn 2:0 esebımen ūtyp, chempion atandy.
Qyzdar arasyndaǧy dodada Besköl auylynan barǧan voleibolşy qyzdar tamaşa oiyn körsetıp, jüldelı üşınşı oryn ielendı.
Komanda jattyqtyruşysy Anastasiia Einikis sapar demeuşısı bolǧan Timur Qūlybaevtyŋ Halyk qoryna alǧysyn aitty.
«Būl jarysqa bız «Auyl sport» jobasynda chempion bolǧan qūrammen qatystyq. Halyk qorynyŋ qoldauy arqasynda halyqaralyq deŋgeidegı saiysqa alǧaş ret qatysyp, qola jüldeger atandyq. Qyrǧyzstanda alǧaş ret bolyp otyrmyz. Qordyŋ būl jobasy bolaşaqta da jalǧasyn tauyp, jaqsy nätijeler äkeletınıne senemız», - dedı ol.
Al jarysqa qatysqan sportşy Taisiia Vysoskaia halyqaralyq turnir ülken täjıribe bolǧanyn jasyrmady.
«Halyqaralyq turnirge bırınşı ret qatysyp tūrmyn. Būl men üşın ülken täjıribe boldy. Qarsylastarymyz myqty boldy, degenmen bız jaqsy oinap nätije körsettık. Üşınşı oryn jeŋıp aldyq. Halyk qoryna alǧysymyz şeksız, osy sapardyŋ arqasynda şekara asyp, el namysyn qorǧadyq», – deidı voleibolşy.
Halyk qorynyŋ Atqaruşy direktory, «Auyl sport» jobasynyŋ jetekşısı turnirdıŋ maŋyzdylyǧyn atap ötıp, balalarǧa qoldau körsetu basty basymdyqtardyŋ bırı ekenın aitty.
«Qor balalarǧa ärdaiym qoldau bıldıruge niettı. Äsırese auylda ösken talantty balalardyŋ ülken arenaǧa şyǧuyna jaǧdai jasauǧa qaşanda daiynbyz. Osyndai jobalar arqyly olardyŋ bolaşaǧyna baǧyt berıp, senım syilai alamyz. Būl qoldau būdan ärı de jalǧasady», - dedı Ǧalymbek Jaqsylyqūly.
Aita keteiık, «AUYL SPORT» – Timur Qūlybaevtyŋ «Halyk» qaiyrymdylyq qory qolǧa alǧan maŋyzdy äleumettık joba. Baǧdarlama 2024 jyldan bastap auyldyq jerlerde būqaralyq sportty damytu, talantty balalardy qoldau jäne käsıbi sportqa baǧyttauǧa jūmys ısteidı. Bügınde būl bastama aiasynda elımızdıŋ tükpır-tükpırınde 10 myŋnan astam bala türlı sport türımen jüielı türde ainalysyp jür.
AUYL SPORT baǧdarlamasynyŋ tiımdılıgın däleldeitın taǧy bır aiǧaq – Serbiiada ötken GYMNASIADE halyqaralyq saiysynda 12 auyl balasynyŋ 6 medal jeŋıp aluy. Endı sol täjıribe Kazakhstan Open aiasynda jalǧasyp, auyl sportşylary halyqaralyq arenaǧa senımdı qadam basyp otyr.
Al Halyk qaiyrymdylyq qory – elımızdıŋ tükpır-tükpırındegı mūqtaj jandarǧa qoldau körsetıp, äleumettık jauapkerşılıktı serık etken ırı ūiym. Qor auyl sportyna ǧana 500 million teŋgege juyq qarjy bölıp qoimai, jalpy sany 120-dan astam äleumettık jobany jüzege asyryp, 85 milliard teŋge kölemınde qarajat jūmsaǧan.
