Perizat Qairat 10 jylǧa bas bostandyǧynan aiyryldy. Ol jazasyn qauıpsızdıgı ortaşa mekemede öteidı, der habarlaidy "Adyrna".
Sondai-aq sottalǧan 10 jyl merzımge qaiyrymdylyq qarajatyn jinaumen bailanysty qyzmetpen ainalysu qūqyǧynan aiyryldy.
Qylmystyq ıstı sudia Sabyrjan Kärımov qarady. Sot ükımı küşıne engen joq. Sottalǧandar ükımge apelliasiialyq şaǧym tüsıre alady.
Prokurorlar qylmystyq ıste jazany jeŋıldetetın män-jailar joq ekenın aitty. Kerısınşe, äreket tötenşe jaǧdai kezınde jasalǧanyn aityp, mūny jazany auyrlatatyn jaǧdai dep ataǧan.
Perizat Kairat qylmystyq kodekstıǧ 190-baby 4-bölıgınıŋ 2-tarmaǧy boiynşa – «Alaiaqtyq», 218-baby 3-bölıgınıŋ 3-tarmaǧy – «Asa ırı kölemde qylmystyq jolmen alynǧan kırısterdı zaŋdastyru (jylystatu)» boiynşa kınälı dep tanylyp, tüpkılıktı 10 jylǧa sottaldy.
Memlekettık aiyptauşynyŋ aituynşa, qordy qūru kezınde de zaŋbūzuşylyqtar bolǧan. Qazaqstannyŋ «Qoǧamdyq bırlestıkter turaly» zaŋynyŋ 10-babyna säikes, qordy tırkeu üşın kemınde üş azamattyŋ bastamasy qajet. 2021 jylǧy 14 qyrküiekte Perizat Qairat qūryltai jinalysynyŋ hattamasyn daiyndaǧan. Onda ol özın, sondai-aq Matiuşenko, Maǧzūm, Tūrǧanbai, Amanbai, Bolysov, Hismatulinov, Serıkjanov, Seitkamal jäne Hafizdı qūryltaişy retınde körsetken. Jinalysta jarǧy qabyldanyp, basqaru organdary qūrylyp, Qairat prezident bolyp sailanǧan. Alaida aiyptau aktısıne säikes, jinalys töraǧasy men hatşysy retınde körsetılgen Matiuşenko men Serıkjanovanyŋ, sondai-aq basqa qūryltaişylardyŋ qoldary qoldan jasalǧan.
Sondai-aq Qairattyŋ bastamasymen palestinalyqtarǧa kömek retınde 566 million teŋge kölemınde qaiyrymdylyq qarajaty jinalǧan. Alaida onyŋ tek 7 million teŋgesı ǧana Palestina elşılıgınıŋ şotyna audarylǧan. Qalǧan 559 million teŋge Perizat Qairat pen anasy Alaşbaeva tarapynan öz qalauynşa jūmsalǧan.
