Bügın Abai oblysynyŋ äkımı Berık Uäli men «China Railway Asia-Europe Construction Investment Co.LTD» kompaniiasynyŋ bas direktory Chjou Haivei Semei qalasyn ainalyp ötetın avtojol qūrylysyn jüzege asyruǧa baǧyttalǧan kelısımge qol qoidy.
Joba qazaq-qytai käsıporyndarynyŋ bırlesken konsorsiumy negızınde biylǧy tamyz aiynda bastalyp, 2028 jylǧa deiın jüzege asyrylady. Atalǧan bastama Qazaqstan Respublikasynyŋ 2030 jylǧa deiıngı kölık-logistikalyq äleuetın damytu tūjyrymdamasy şeŋberınde halyqaralyq qarjy instituttarymen bırlesıp ıske asyrylatyn erekşe maŋyzy bar jobalar tızbesıne engızılgen.
Jaŋa ainalma joldyŋ salynuy oblystyŋ logistikalyq äleuetın arttyryp, toǧyz joldyŋ torabyndaǧy Semei qalasynyŋ kölık jüktemesın azaituǧa mümkındık beredı. Oblys ortalyǧyndaǧy aspaly köpır arqyly jylyna 700 myŋǧa juyq kölık ötedı.
Aimaq basşysy oblys tūrǧyndary üşın asa maŋyzdy jobanyŋ tiıstı jūmystary bastalyp ta ketkenın atap öttı.
«Qazaq-qytai käsıporyndarynyŋ bırlesken konsorsiumy negızınde qol qoiylǧan kelısımge sai biyl tamyz-qyrküiek ailarynda jobanyŋ tehnikalyq-ekonomikalyq negızdemesı jasalady. Al qazan, qaraşa ailarynda ainalma joldyŋ aldyn ala jobasy äzırlenıp, köpırler men jol aiyryqtary äkımdıkpen kelısıledı. Qaraşa, jeltoqsan ailarynda jūmys jospary, qūrylysqa daiyndyq äkımdıkpen kelısıledı. Sodan keiın baryp Semei qalasyn ainalyp ötetın avtojol qūrylysy bastalady. Būl kelısım bızdıŋ elder arasyndaǧy ūzaq merzımdı ärı özara tiımdı yntymaqtastyqtyŋ negızıne ainalyp, Euraziiadaǧy halyqaralyq kölık dälızderınıŋ damuyna aitarlyqtai üles qosatynyna senımdımın», – dedı oblys äkımı.
Öz kezegınde qytailyq kompaniia ökılderı jūmysty bastauǧa daiyn ekenın jetkızdı.
«Ekı el dostyǧynyŋ arqasynda jüzege asqan Astana qalasyndaǧy LRT qūrylysyna qatysyp jatyrmyz. Bızdıŋ kompaniia būl jobaǧa byltyrdan bastap aralasyp, bırqatar jaqsy nätijelerge qol jetkızdık. Osy täjıribemızdı Semei qalasyndaǧy ainalma jol qūrylysy kezınde ıske asyramyz dep oilaimyn» , - dedı Chjou Haivei.
