2025 jyldyŋ alǧaşqy jartyjyldyǧynda elımızdıŋ aqparat salasynda bırqatar maŋyzdy özgerıs boldy. Būl turaly Mädeniet jäne aqparat ministrlıgınıŋ baspasöz qyzmetı mälımdedı, dep habarlaidy «Adyrna» tılşısı.
Ministrlıktıŋ habarlauynşa, media salasynyŋ basty baǧyttarynyŋ bırı — zaŋsyz kontentpen küres. Jyl basynan berı internet keŋıstıgınen 74 myŋnan astam qūqyqqa qaişy materialanyqtalǧan. Olardyŋ 36 myŋnan astamy joiylǧan. Onlain platformalarda taralǧan 49 myŋnan asa zaŋsyz materialdyŋ 12 myŋy öşırılgen.
Sonymen qatar BAQ reestrı jaŋartylyp, elımızde jūmysyn toqtatqan 140 aqparat qūraly tırkeuden şyǧarylǧan. Qazırgı taŋda respublikada 4 871 BAQ tırkelgen. Onyŋ ışınde 3 002 basylym, 236 telearna, 98 radio jäne 1 231 onlain-basylym bar.
Aqparat salasyndaǧy taǧy bır jaŋalyq — otandyq teleönımderdıŋ halyqaralyq jobalar arqyly damuy. Türkiia, Qytai jäne Reseimen bırlesken telehikaialar men derektı filmder tüsırılıp, körermenge jol tartty. Atap aitqanda, «Qazaqstan» arnasy men türkiialyq «Kanal D» arnasy bırıgıp, 100 seriialy «Qaita oralǧan Ümıt» telehikaiasyn daiyndap jatyr.
Ministrlık mälımetınşe, halyqaralyq Euronews arnasymen de tyǧyz yntymaqtastyq ornaǧan. Arnaiy jobalar aiasynda ondaǧan halyqaralyq reportaj ben baǧdarlamalar jaryq körgen. Sonymen qatar Euronews Academy bastamasymen Qazaqstanda mediatreningter ūiymdastyrylyp, jas jurnalisterge käsıbi kurs ūsynylǧan.
Būdan bölek, tūrǧyndardy otandyq kontentke qoljetımdı etu maqsatynda «sūr tabaqşalarǧa» balama retınde otandyq sputnik apparattaryn subsidiialau baǧdarlamasy ıske qosyldy. Qazırgı taŋda üş oblysta 300-den asa tūrǧyn qūrylǧylardy jeŋıldıkpen satyp alǧan.
«Aqparattyq qauıpsızdık, sapaly kontent jäne halyqaralyq yntymaqtastyq – qazırgı mediasaiasattyŋ basty baǧyttary. Bız otandyq BAQ-ty qoldaudy jalǧastyramyz», — delıngen ministrlıktıŋ habarlamasynda.
