Aqbökenderdıŋ sanyn retteu jūmystaryn «Ohotzooprom» RMK qyzmetkerlerı jüzege asyrady. Aqbökennıŋ soiylǧan ūşalary refrijeratorlarǧa salynyp, soiu punktterıne jetkızıledı.
Januarlardyŋ asa qauıptı aurularyn (ūsaq küiıs qaiyratyn januarlardyŋ obasy, ausyl, brusellez, pasterellez, sıbır jarasy jäne taǧy basqa) boldyrmau maqsatynda aqbökenderdıŋ bükıl populiasiiasyna Ūlttyq veterinariia referenttık ortalyǧy tūraqty türde epizootiialyq monitoring jürgızedı.
Sonymen qatar, aqbökendermen ortaq jaiylymdar men suattarda auyl şaruaşylyǧy januarlaryna da veterinariialyq qyzmet tūraqty türde monitoringtık zertteuler jürgızıp otyrady.
Aita ketu kerek, aqbökenderdı soiu jäne biologiialyq qaldyqtardy zalalsyzdandyru boiynşa tiıstı normativter qabyldanǧan. 2023 jylǧy 27 qaraşada QR ST «Saiǧaq etı būqtyrylǧan. Tehnikalyq şarttar» jäne QR ST «Saiǧaq etı – tūtas jäne jartylai ūşalar. Jalpy tehnikalyq şarttar» ūlttyq standarttary bekıtılgen.
Qazırgı uaqytta aqbökenderdıŋ sanyn retteu jūmystaryna 6 oblystaǧy 24 soiu punktı jūmyldyrylǧan. Barlyq soiu obektılerı veterinariialyq-sanitariialyq talaptarǧa sai (mal soiuǧa arnalǧan arnaiy bölmeler, toŋazytqyş kameralar, ūşalardy ıluge arnalǧan qūraldar, sumen jabdyqtau jäne t.b.).
Ūşalar soiu oryndaryna jetkızılgen soŋ, olar veterinariialyq därıgerlerdıŋ baqylauynan ötıp, veterinariialyq-sanitariialyq saraptamadan ötkızıledı.
Būl rette, aqböken etıne mındettı zertteuler jürgızıledı, olar: ūşanyŋ, ışkı aǧzalardyŋ jäne basynyŋ organoleptikalyq qarauy; barlyq qoljetımdı limfa tüiınderın jaryp, ışkı aǧzalardy tılıp tekseru; qainatu synamasy; finnozǧa (sistiserkoz) zertteu; jalpy radiasiialyq fondy anyqtau.
Ūşanyŋ veterinariialyq talaptarǧa säikestıgı anyqtalǧan jaǧdaida, et ärı qarai bölşektelıp, öŋdeledı, al qaldyqtar zalalsyzdandyrylady.
Aqbökennen alynǧan önım veterinariialyq därıgerler bergen anyqtamamen süiemeldenedı. Būl qūjat önımnıŋ şyqqan jerın, qauıpsızdıgın jäne sapasyn rastaidy.
Ötkızıletın januarlardan alynatyn önımder veterinariialyq-sanitariialyq qauıpsızdık talaptaryna sai boluy qajet.
Qazaqstan Respublikasynyŋ «Veterinariia turaly» Zaŋynyŋ 22-babyna säikes, januarlardan alynatyn önımder men şikızatty veterinariialyq-sanitariialyq saraptamasyz ötkızuge tyiym salynady.
Sonymen qatar, ışkı sauda nysandarynda veterinariialyq inspektorlar kündelıktı baqylau jürgızedı. Olar: veterinariialyq anyqtamanyŋ jäne soiu ornynyŋ taŋbasynyŋ boluyn; önımdı tasymaldau kezınde temperaturalyq rejimnıŋ saqtaluyn; zerthanalyq baqylau nätijelerın tekseredı.
Osyǧan bailanysty, Veterinariialyq baqylau jäne qadaǧalau komitetı tūtynuşylarǧa aqböken etın arnaiy belgılengen oryndardan jäne veterinariialyq ılespe qūjattar bolǧan jaǧdaida ǧana, tamaqtanu jäne veterinariialyq-sanitariialyq qauıpsızdık talaptaryna säikes satyp aludy ūsynady.
