Astana qalasynda qatty jel saldarynan qūrylys alaŋyndaǧy mūnaralyq kran qūlap, bır jūmysşy mert boldy, dep habarlaidy "Adyrna" ūlttyq portaly.
Oqys oqiǧa 18 şılde künı saǧat 20:07 şamasynda Tūrar Rysqūlov köşesı, 18/5 mekenjaiynda ornalasqan «Abyroi» tūrǧyn üi keşenınıŋ aumaǧynda tırkeldı.
Oqiǧa sätı beinejazba arqyly äleumettık jelıde tarap, jūrtşylyqtyŋ nazaryn audartty. Qatty jeldıŋ saldarynan qūrylys tehnikasy audarylyp, saldarynan bır adam tıl tartpai kettı.
Qaiǧyly jaǧdaiǧa qatysty tüsınıkteme bergen BI Group qūrylys kompaniiasynyŋ mälımetınşe, kran tehnikalyq jaǧynan dūrys küide bolǧan jäne jūmys bastalǧanǧa deiın qajettı tekseruden ötken.
«Oqiǧa bolǧan sätte kran operatory jūmysyn aiaqtap jatqan. Ökınışke qarai, krannyŋ qūlauy saldarynan merdıger ūiymnyŋ bır qyzmetkerı qaza tapty. Qaza bolǧan adamnyŋ tuystary men jaqyndaryna qaiǧyryp köŋıl aitamyz», — delıngen kompaniia taratqan habarlamada.
Kompaniia qaza bolǧan adamnyŋ otbasyna jan-jaqty kömek körsetıletının jäne tiıstı organdarmen bırlesıp, tergeu nätijelerı boiynşa barlyq şaralar qabyldanatynyn mälımdedı.
Aita keteiık, tötenşe jaǧdai qyzmetınıŋ dauyldy eskertuı oqiǧa tırkelgennen keiın ǧana kelıp tüsken. Qazırgı taŋda oqiǧa ornynda tiıstı mamandar jūmys ıstep jatyr.
