Qazaqstanda ekı reseilık tehnikalyq joǧary oqu oryndarynyŋ filialy aşylady. Būl turaly Bılım jäne ǧylym ministrlıgınıŋ būiryǧy «Aşyq NQA» saitynda jariialandy, dep habarlaidy “Adyrna” ūlttyq portaly.
«MİFİ Ūlttyq iadrolyq zertteu universitetınıŋ filialy äl-Farabi atyndaǧy Qazaq ūlttyq universitetınıŋ bazasynda, al İ.M. Gubkin atyndaǧy Resei memlekettık mūnai jäne gaz universitetınıŋ filialy S. Ötebaev atyndaǧy Atyrau mūnai jäne gaz universitetınıŋ bazasynda qūrylady», - delıngen qūjatta.Filialdardyŋ bılım beru baǧdarlamasyna qazaq tılı men Qazaqstan tarihy pänderı engızıledı. Būiryqqa säikes, oqu merzımı Qazaqstandaǧy filialdarda 2 nemese 3 jyl, al Reseidegı bas universitet bazasynda 1 nemese 2 jylǧa josparlanǧan.
«Bılım beru prosesı bas joǧary oqu oryndarynyŋ professorlyq-oqytuşylyq qūramyn tarta otyryp ūiymdastyrylady. Olardyŋ ärbır filialdaǧy ülesı kemınde 50% bolmaq. Filialdar memlekettık bılım beru tapsyrysy şeŋberındegı qarajat, ǧylymi jobalardy qoldau, investisiialar jäne tyiym salynbaǧan özge de közder esebınen qarjylandyrylady», - dep jazylǧan būiryqta.Filialdar öz qarajaty nemese özge de qoldau közderı esebınen studentterge grant, stipendiia men basqa da tölemder jasaidy.
”Adyrna” ūlttyq portaly
Ūqsas jaŋalyqtar
