Memleket basşysynyŋ Alaköl jaǧalauyndaǧy turistık infraqūrylymǧa qatysty synynan keiın oblys äkımınıŋ tapsyrmasymen onyŋ orynbasary Serık Tölenbergenov audan basşylyǧynyŋ jäne jauapty memlekettık mekemelerdıŋ qatysuymen köl basynda şūǧyl jiyn ötkızdı. Onda demaluşylarǧa qolaily jaǧdai jasau, sanitarlyq tazalyq pen qauıpsızdık mäselelerı keŋınen talqylandy.
Köl jaǧasyna qūqyq qorǧau organdarymen bırge reid jürgızıp, tärtıptık şaralardy küşeitedı. Sonyŋ ışınde motorly qaiyq ielerınıŋ qyzmet körsetulerı qataŋ tekserıledı. Tazalyq mäselesı qarastyrylyp, qoqys tastaǧan sauda oryndary men demalys üilerıne aiyppūl salynady.
Alaköldıŋ Abai oblysyndaǧy jaǧalauyna biyl erekşe köŋıl bölınıp jatyr. Būǧan deiın nauryz aiynan bastap, oblys äkımı Berık Uäli turistık orynǧa 3 ret baryp, köşpelı jiyndar ötkızgen. Alaköl jaǧalauyna 2018 jyldan berı jöndeu jūmystary jürgızılmegen. Osyny eskere otyryp, oblystyq biudjetten 658 million teŋge qarjy bölındı. Bölıngen qarjydan Arbat alaŋyn jöndeuge 108,9 mln tg, jaŋa qoǧamdyq keŋıstık qūruǧa 171,6 mln tg, jaǧalaudy abattandyruǧa 107,5 mln tg baǧyttaldy. 25 kiım auystyratyn oryn, 50 konteiner, 2 biotualet ornatyldy. 7 pirstıŋ 3-euı ornatylyp, qūtqaru mūnaralary men jaǧajaidy jaryqtandyru jūmystary jürgızıldı.
Sonymen qatar jaǧalauda qūtqaru stansiiasynyŋ qūrylysy bastaldy. Atalǧan stansiia Alaköl aumaǧynda tötenşe jaǧdailardyŋ aldyn alu, saldaryn joiu, alǧaşqy medisinalyq kömek körsetuge mümkındık jasau, adam ömırın saqtau men jalpy qauıpsızdık deŋgeiın arttyruǧa baǧyttalǧan. Sondai-aq, Qabanbai auylynda ört söndıru deposy salynuda. Ekı ört söndıru avtokölıgıne arnalǧan beket Alaköl maŋy men aumaǧyndaǧy ört qauıpsızdıgın qamtamasyz etuge arnalǧan.
Tazalyq saqtau jäne tūrmystyq qaldyqtardy şyǧaru
Būl baǧytta qosymşa 100 qoqys konteinerı men 75 urna ornatylǧan. Bügınde jalpy 110 konteiner bar. Arbat aumaǧynda tazalyq jūmystary är 30 minut saiyn, al jaǧalauda künıne üş ret jürgızıledı. Qaldyqtardy öŋdeuge arnalǧan poligon qūrylysyna jobalyq-smetalyq qūjattama äzırlenıp jatyr.
Äjethanalar men sanitarlyq toraptar
Biyl jaǧalaudaǧy sanitarlyq toraptar sany 8-den 18-ge deiın köbeitıledı. Qazırdıŋ özınde 10-y ornatyldy.
Elektr energiiasy tapşylyǧyn şeşu
Jaŋa «Alakol» qosalqy stansasy men joǧary kerneulı jelıler qūrylysyna jobalar daiyndaldy. Qūrylys jūmystary 2026 jyldyŋ qazan aiynda aiaqtalady.
Qauıpsızdık mäselesı
Qūtqaruşylar men instruktorlar kündelıktı kezekşılık jürgızedı. 5 qūtqaru mūnarasy, 6 adamnan tūratyn arnaiy top jūmys ıstep tūr. Tötenşe jaǧdailar ministrlıgı jäne kölık inspeksiiasy jaǧajai aimaǧynda su kölıkterıne tūraqty reidter jürgızıp jatyr. Qazırdıŋ özınde 30 su kölıgı tekserılıp, 12 äkımşılık hattama toltyrylǧan.
Käsıpkerlermen jūmys
Aqyly qyzmet körsetetın käsıp ielerımen (kater, şezlong, ashana, demalys bazalary jäne t.b.) salyqtyq mındettemeler men kassalyq apparat qoldanu boiynşa tüsındıru jūmystary jürgızıldı.
Abai oblysynyŋ äkımdıgı Prezident tapsyrmasyna säikes barlyq şaralardy jedel qolǧa alyp, Alaköl jaǧalauyndaǧy ahualdy jaqsartu boiynşa keşendı jūmystardy jalǧastyra beredı.
